असोज ४, सोलुखुम्बु । सोलुखुम्बुको नेचासल्यान गाउँपालिका दुईले काठमाडौँबाटै प्रशासनिक सेवा सुरु गरेको छ । विभिन्न कामको सिलसिलामा बसोबास गरिरहेका आफ्ना वडाका नागरिकलाई राजधानीबाटै प्रशासकि सेवा सुरु गरेको हो ।
चार दिने शिविरको पहिलो दिन शुक्रबार २४ जनालाई सामाजिक सुरक्षा भत्ता नविकरण, जन्मदर्ता, विवाह दर्ता लगायत वडाबाट प्रदान गरिने सेवाहरु प्रदान गरिएको नेचासल्यान गाउँपालिका वडा नम्बर २ का वडा अध्यक्ष सिताराम काफ्लेले जानकारी दिनुभयो ।
आफ्ना वडाको नागरिकको मागलाई मध्यनजर गर्दै उक्त सेवा प्रदान गरिएको उहाँको भनाइ छ । काठमाडौँबाट गाउँ आउँदा जाँदा हजारौं खर्च हुने तथा बाटाको अबस्था समेत नाजुक भएकाले थौरै भए पनि आफ्ना वडाका नागरिकले स्थानीय सरकार भएको अनुभुती होस भन्ने उदेश्यले राजधानीबाट सेवा दिईएको वडाध्यक्ष काफ्लेले बताउनुभयो ।
उक्त शिविर असोज ७ गते सम्म सञ्चालन गरिने छ,भने सेवाग्राही बढी देखिएमा एक दिन थप गर्न सकिने समेत वडा कार्यालयले जनाएको छ ।
Discussion about this post