असोज ६, सोलुखुम्बु । जुवे शेर्वी किदुक केन्द्रीय समितिद्धारा किदुक गुरुयोजना तथा अन्तरक्रिया कार्यक्रम सम्पन्न भएको छ । सोलुखुम्बुको माप्य दुधकोशी गाउपालिका वडा नम्बर १ बुम्बुरी (जुवे)मा अबस्थित जुवे शेर्पा किदुक केन्द्रीय समितिको गरुयोजना तथा अन्तरक्रिया कार्यक्रम सम्पन्न भएको हो ।
शनिबार शेर्वी किदुक केन्द्रिय कार्यसमितिका अध्यक्ष लाक्पा सोनाम शेर्पाको सभापतित्व र संस्थापक महासचिव साङ्गे शेर्पाको प्रमुख अतिथिमा काठमाडौको बौद्ध सिमालटरमा कार्यक्रम सम्पन्न गरिएको जनाइएको छ ।
जुवे शेर्वी किदुक २०६४ सालमा आङ काजी शेर्पाको अध्यक्षतामा ११ कार्यसमिति सहितले स्थापना गरि हाल सम्म १७ बर्ष पार गरिसकेको छ । साथै किदुकले विगतका बर्षमा गरिब ३० जना गरिबी रेखामुनिका जेहेन्दार विद्यार्थीहरुलाई ७ बर्ष सम्म छात्रवृत्ति दिईसकेको छ । पछिल्लो समयमा इन्जिनियर प्रबिधि अनुसारको निर्माण नहुन्दा हरेक सरकारी बजेटको सहि सदुपयोग नहुने भन्दै संस्थाले बहुबर्षे योजना इन्जिनियर मापदण्ड अनुसरण तय गरिएको छ ।
यस्तै जुवे शेर्वी किदुकको नयाँ संरचना बनाउनलाई ३ करोड ५० लाख बजेट लाग्ने भएकाले विभिन्न सरकारी निकाय र दातृ निकायहरुको समन्वयबाट निर्माण अभियान जारी राख्ने निर्णय गरिएको छ । कार्यक्रमका प्रमुख अतिथि साङ्गे शेर्पाले स्थापनकालमा चुनौती पुर्ण ढगंले कार्यसमितिबाट प्रति ब्यक्ति ५०० को दरले संकलन गरि स्थापन गरिएको संस्था आज यो स्थान सम्म आउदा धेरै खुसी व्यक्त गर्नु भएको छ ।
थप आवश्यक निकाय संग समुन्वयमा साथ सहयोग दिने प्रतिबद्धता व्यक्त गर्नुभयो । यस्तै संस्थाका अध्यक्ष लाक्पा सोनाम शेर्पाले बिकासका गुरुयोजना गर्दा बने जस्तो सजिलो प्राविधि नभएको र काम संगै चुनौती पनि भएकाले एकजनाले गरेर मात्र सम्भावना नहुने भएकाले सबै जनाले हातेमालो गर्न आग्रह गर्नुभयो । निकट भबिस्यमा जुवे गाउँ एक संस्कृति तथा पर्यटकीय भौगोलिक क्षेत्र समेत रहने भेला तथा जनमाजलाई सुझाब दिनु भएको छ।
Discussion about this post