असोज ६, सोलुखुम्बु । अन्तर्राष्ट्रिय शान्ति दिवस २०२४ सफलतापूर्वक सम्पन्न भएको छ। काठमाडौं स्थित कपनको एक गुम्बामा कार्यक्रमको आयोजना गरि सम्पन्न भएको हो । युनिभर्सल पिस सेन्चुरीद्वारा आयोजित कार्यक्रममा श्याल्पो रिम्पोछेले विश्व शान्ति र एकताको प्रवर्द्धनमा समर्पित मानव जीवनमा शान्तिको महत्व रहेको बताउनुभयो ।
बिनाशर्त प्रेमको जगमा शान्ति स्थापना गर्न सक्षम हुनु पर्ने बताउनु भयो । श्याल्पो रिम्पोछेले लुम्बिनीमा निर्माणाधिन गुम्बाको बारेमा जानकारी दिनुका साथै सहयोगी मन र दानवीरहरुलाई हार्दिक धन्यवाद दिनुभएको थियो ।
कार्यक्रममा भगवान बुद्धकी आमा मायादेवीको जीवन र निस्वार्थ मायाको योगदानबारे विशेष चित्रण गरिएको मायादेवी साङ्गीतिक नाटक पनि प्रस्तुत गरिएको थिायो । यस अवसरमा नेपालका परम्परागत सांस्कृतिक र संगीतका आकर्षक धुनले आतिथ्यलाई थप सत्कार गरिएको थियो ।
कार्यक्रमको महत्त्व र युनिभर्सल पीस स्याङ्क्चुरीको मिशनलाई स्पष्ट पार्दै शान्ति मनाउन मात्र होइन, हाम्रो उदेश्यलाई वास्तविकतामा परिणत गराउन प्रतिबद्धता हुन पनि भेला भएका छौं भन्दै युनिभर्सल पीस स्याङ्क्चुरीका जीवनभरिका सदस्य सुनिल शक्यले स्वागत भाषणले स्वागत गर्नुभएको थियो ।
Discussion about this post