तत्काल विद्युत समस्या समाधान गरिदिन सोताङ एमालेले गर्यो, पालिकाको ध्यानकर्षण

असोज १०, सोलुखुम्बु । तत्काल विद्युत समस्या समाधान गरिदिन नेकपा एमाले सोताङ गाउँपालिकाले पालिकाको ध्यानकर्षण गराएको छ । बिहिवार गाउँ कमिटी अध्यक्ष धनकुमार विश्वकर्माको अगुवाईमा रोक खोला सामुदायिक लघु जलविद्युत आयोजना तत्काल मर्मत गर्न गाउँपालिको ध्यानकर्षण गराएको हो ।

गत भदौ ३० गतेबाट विद्युतमा समस्या आउँदा ८ सय ४६ घरधुरी अन्धाकारमा बस्न बाध्य भएको भन्दै गाउँ कमिटी अध्यक्ष विश्वकर्माद्धारा हस्ताक्षरित ज्ञापन पत्रमा उल्लेख गरिएको छ । उक्त ज्ञापन पत्रमा राष्ट्रिय प्रसारण लाईनको विद्युत मासिक ३० रुपैया तिरेर बाल्न पाउनुपर्ने, रोक खोला सामुदायिक लघु जलविद्युत आयोजना सोताङको पर्ण स्वामित्व उपभोक्ताहरुमा निहित हुन पर्ने छ ।

रोक खोला सामुदायिक लघु जलविद्युत आयोजना अथाशिघ्र मर्मत गरी सञ्चालन गर्नु पर्ने, राष्ट्रिय प्रसारण लाईन आफ्नो संरचना निर्माण गरि लाईन जडान गर्नुपर्ने, तर राकखोला सामुदायिक लघु जलविद्युत आयोजनाको संरचनामा राष्ट्रिय प्रसारण लाईन जडान गर्न पाईने छैन् ।

यही असोज २ गते दिइएको ध्यानाकर्षण पत्र मार्फत कुनै आधिकारिक जवाफ र कार्यान्वयन नभएकोले पुनः आज दोस्रो पटक नेकपा एमाले जिल्ला कमिटी नेताहरुको उपस्तिथि र सोताङ गाउँ पालिका कमिटी अध्यक्ष लगायत पदाधिकारीको उपस्तिथिमा नेकपा एमाले सोताङ गाउँपालिका कमिटी द्वारा सोताङ गाउँपालिका अध्यक्ष समक्ष दोस्रो पटक केही माग सहित ज्ञापन पत्र पेश गरिएको जनाईएको छ ।

यता गाउँपालिका अध्यक्ष खिलाराज बस्नेतले १० दिन देखि नागरिकहरु अन्धकारमा बस्नुपरेको समस्यालाई मध्यनजर गर्दै यसको समाधान तत्काल गर्ने समेत प्रतिबद्धता व्यक्त गर्नुभयो ।