असोज १०, सोलुखुम्बु । दूधकोशी नदिमा बेपत्ता युवक नभेटिएपछि सशस्त्र प्रहरीको गोताखोर टोली फर्केको छ । दूधकोशीमा बेपत्ता भएका हलेसी तुवाचुङ नगरपालिका–६ मंगलटारका १७ वर्षीय घनश्याम पुलामी मगरलाई दुईदिन नदिमा खोजी गर्दा नभेटिएपछि सशस्त्र प्रहरी बल नम्बर १, बराहाबाहिनी सुनसरी पकलीका गोताखोर टोली बुधबार साँझ फर्केको हो ।
६ असोजमा मंगलटारको महादेवबेशीस्थित दूधकोशी नदिमा माछा मार्ने क्रममा नदिले बगाउँदा मगर बेपत्ता भएका थिए। नदिले बगाएर बेपत्ता भएपछि असोज ८ गते साँझ र असोज ९ गते अपरान्हसम्म सशस्त्र प्रहरी निरीक्षक बिराजन कटवालको नेतृत्वमा आएको नौ जनाको गोताखोर टोलीले संम्भावित स्थानहरुमा खोजी गरेको थियो ।
गत असोज ६ गते बिहान ११ः३० बजे घरमा कसैलाई नसोधी घरबाट हिडेका मगर अपरान्ह ५ बजे माछा मार्ने क्रममा नदिले बगाई बेपत्ता भएको खबर गाउँघरका स्थानीय साथीहरुले ल्याएका थिए । खबरपछि उनका दिदि गंगाले प्रहरी चौकी हलेसीमा जानकारी गराएका थिए ।
Discussion about this post