चालु आर्थिक वर्षको २ महिनामा २४ सय बढी पर्यटकले गरे सगरमाथा भ्रमण

असोज १०, सोलुखुम्बु । चालु आर्थिक वर्षको २ महिनामा २ हजार ४ सय बडी पर्यटकले सगरमाथा राष्ट्रिय निकुञ्ज भ्रमण गरेका छन् । सिजनको समय सुरुवात भएसँगै २ हजार ४ सय ८२ बिदेशी तथा नेपाली नागरिक सगरमाथा राष्ट्रिय निकुञ्ज क्षेत्र पुगेका हुन् ।

निकुञ्ज कार्यालयले दिएको तथ्याङ्क अनुसार निकुञ्ज क्षेत्र भ्रमणका लागि साउन महिना देखी हाल सम्म २ हजार २ सय १० बिदेशी नागरिक त्यहाँ पुगेका छन् । उनिहरुमध्ये सार्क राष्ट्रका २ सय ८२ छन् भने १ हजार ९ सय २८ विदेशी नागरिक रहेका छन् ।

कार्यालयका अनुसार २ सय २२ जना नेपाली नागरिकले सहित सो संख्याका पर्यटक सगमाथा क्षेत्र भ्रमणका लागी गएका हुन । विशेषता सगरमाथा क्षेत्र भ्रमणका लागी यो गृष्मकालिन सिजनको सुरुवाती दिन हो भने गृष्मकालिन समयमा यहाँ भ्रमण गर्न आउने पर्यटकका लागी हवाइ उडान समेत थप भएको छ ।