सोताङमा चाडपर्व लक्षित बजार अनुगमन, २६ हजार बढीको अखाद्य बस्तु जफत

असोज ११, सोलुखुम्बु । सोताङको शिवटार बजारमा चाडपर्व लक्षित बजार अनुगमन गरिएको छ । अनुगमनको क्रममा २६ हजार बढीको म्याद नाघेका अखाद्य बस्तु जफत गरिएको बजार अनुगमन समितिले जनाएको छ ।

जफत गरिएको २६ हजार बढी मुल्य बराबरको म्याद गुज्रिएका सामाग्री नष्ट गरिएको छ । दशै, तिहार नजिकिएसँगै गाउँपालिकाले गरेको बजार अनुगमनको क्रममा सोताङ स्थित शिवटार बजारबाट बरामद गरिएको २६ हजार ३ सय ५० रुपैँया बराबरको अखाद्य बस्तु नष्ट गरिएको ईलाका प्रशासन कार्यालयका कम्प्युटर अपरेटर लक्ष्मण नाछिरिङले जानकारी दिनुभयो । उहाँका अनुसार गाउँपालिका उपाअध्यक्ष अन्जु नाछिरिङ तथा इलाका प्रशासन कार्यालय सोताङका प्रमुख होम बहादुर विश्वकर्माको पहलमा शिवाटार क्षेत्रका २३ वटा पसलमा अनुगमन गरिएको हो ।

अनुगमनबाट म्याद गुज्रिएका चाउचाउ, विस्कुट, विभिन्न कम्पनीका जुस तथा पिय पर्दाथ, हर्लिक्स, चिउरा लगायतका सामाग्री जफद गरि नष्ट गरिएको गाउँपालिकाले जनाएको छ । अनुगमनको क्रममा उपाध्यक्ष नाछिरिङले पालिकाले उपभोक्ताको स्वास्थ्यसँग जोडिएका विषय भएकाले म्याद सकिएको सामाग्रीहरु विक्रि नगर्न पसल सञ्चालकहरुलाई सचेत गराउनुभयो । जवाफमा पसल सञ्चालकहरुले डिलरबाट सामाग्री ढुवानी गर्दा नै म्याद सकिएको समान पठाउने गरेको बताएका छन् ।

उनीहरुले आउदा दिनमा ढिलरबाट सामान ढुवानी गर्दा नै सजग हुने प्रतिकृया दिएका छन् । बजार अनुगमनमा ईलाका प्रसाशन कार्यालय, ईलाका प्रहरी कार्यालय लगायत अन्य संघ संस्थाका प्रतिनिधीहरुको समेत उपस्थिती रहेको थियो ।