शेर्पा बालबालिका सहायता सङ्घले ग¥यो जिल्लाका करिव ५ सय विद्यार्थीलाई छात्रबृत्ति वितरण 

असोज ११, सोलुखुम्बु ।  शेर्पा बालबालिका सहायता सङ्घले हिमाली जिल्ला सोलुखुम्बुमा यस वर्षको छात्रवृत्ति वितरण कार्यक्रम सम्पन्न गरेको छ ।  गरिब, जेहेन्ददार, असहाय र अपाङ्ग विद्यार्थीहरूलाई पठनपाठनमा सहयोग गर्दै वार्षिक रुपमा छात्रवृत्ति वितरण गर्दै आएको संस्थाले जिल्लामा यस वर्षको छात्रवृत्ति वितरण कार्यक्रम सम्पन्न गरेको हो ।  

गत असोज ६ गतेबाट जिल्लामा सुरु गरिएको सो कार्यक्रम जिल्लाका विभिन्न पालिकाका २२ वटा विद्यालयका करिव ५ सय ७० विद्यार्थीलाई संस्थाले छात्रवृत्ति वितरण गर्दै आएको छ ।  शेर्पा बालबालिका संघका अध्यक्ष निमा शेर्पाको पहलमा उल्लेखित विद्यार्थीहरूलाई छात्रवृत्ति सँगै विभिन्न ग्रामीण भेगका विद्यार्थीहरूलाई पठनपाठनका सामाग्री झोला, कपि, डटपेन जस्ता शैक्षिक सामाग्रीहरू संस्थाले वितरण गर्दै आएको छ ।  

छात्रवृत्ति वितरण कार्यक्रमको अन्तिम दिन आज ३ विद्यालयका विद्यार्थीलाई छात्रवृत्ति वितरण गर्दै अध्यक्ष शेर्पाले विभिन्न दातृ निकायसँग अनुनय विनय गरेर आफूले आफ्नो क्षेत्रका बालबालिकाको भविष्य उज्वल बनाउनका निम्ती विगत २४ वर्ष यता काम गरिरहेको बताउँदै विद्यार्थीहरुले राम्रोसँग पढ्नमा ध्यान दिनुपर्ने बताउनुभएको छ ।

सामाजिक सेवा आफ्नो रुचीको विषय भएकाले या क्षेत्रमा आफुले विशेष प्राथमिकताका साथ काम गरिरहेको उहाँको भनाई छ  । आज सोलुखुम्बुको सोलुदुधकुण्ड नगरपालिका ७ गार्मा स्थित सेकारसिंह आधारभुत विद्यालयमा छात्रबृत्ति वितरण गर्ने क्रममा उहाँले यस्तो बताउनुभएको हो ।

यस वर्षको छात्रवृत्ति वितरणको अन्तिम कार्यक्रमका क्रममा आज शुक्रबार गार्मा स्थित सेकारसिंह आविमा जीवन ज्योति मावि नेले, च्याल्सा मावि च्याल्सा र सोही सेकारसिंह आविका कुल ६१ विद्यार्थीलाई छात्रवृत्ति वितरण गरिएको छ ।  सङ्घले यस अघि ६ हजार ५ सयका दरले वितरण गर्दै आएको छात्रबृत्ति यस वर्ष बढाएर ७ हजार पुर्याएको भन्दै सहायता संघका अध्यक्ष शेर्पाले संघको वार्षिक ४५ लाख रुपैयाँ रकम छात्रवृत्तिमै जाने उल्लेख गर्नुभएको छ ।

 कार्यक्रममा दात्री संस्था शेर्पा बालबालिका सहायता संघका अध्यक्ष निमा शेर्पा, गार्माका कार्यबाहक वडा अध्यक्ष भलाकाजी कार्की जिवन ज्योती मावि नेलेका प्रधानाध्यापक प्रभुराम बस्नेत, च्याल्सा माविका प्रअ, सेकारसिंह आविका प्रअ लगायत यि विद्यालयका विद्यालय व्यवस्थापन समितिका अध्यक्ष तथा पादधिकारीहरु, अभिभावकहरु, विद्यार्थीहरू लगायतको उपस्थीति रहेको थियो ।