सोलुखुम्बुको तिङ्नासाका ४ घर पहिरोको जोखिममा

असोज १४, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ११ तिङ्नासाका ४ वटा घर पहिरोको जोखिम क्षेत्रमा परेका छन् ।  गत १२ गतेको ठुलो वर्षातले तिङ्नासाका ४ घरमाथिबाट पहिरो झर्ने सम्भावना भएकाले यि घर पहिरोको जोखिममा परेका हुन ।

 जिल्ला प्रहरी कार्यालय सोलुखुम्बुका अनुसार ओमसिंह खड्काको १ तले घर, तुल बहादुर खड्काको २ तले २ वटा घर, सोही स्थानको ठाडेनीका शम्भु राईको २ तले घर र बेलिडाडाँका भूपध्वज खड्काको १ तले घर पहिरोको जोखिममा परेको हो ।

पहिरोको जोखिममा रहेका यि घरको अवस्था बुझेर परिवारलाई सुरक्षित स्थानमा सार्नका लागी प्रहरी चौकी रमितेबाट प्रहरी टोली गइसकेको जिल्ला प्रहरी कार्यालय सोलुखुम्बुका प्रमुख डिएसपी द्वारीका प्रसाद घिमिरेले बताउनुभयो ।