अबरुद्ध सल्लेरी–सोताङ जाने भित्री सडक पूर्ण रुपमा सुचारु

असोज १६, सोलुखुम्बु । गत ११ गते राति देखि परेको अविरल बर्षाले अबरुद्ध सल्लेरी–सोताङ जाने भित्री सडक पूर्ण रुपमा सुचारु भएको छ । थुलुङ दुधकोशी गाउँपालिका वडा नम्बर ८ देउसा बुढी डाडाँ स्थित सल्लेरीबाट सोताङ जाने भित्री सडक मंगलबार दिउँसोबाट सुचारु गरिएको हो । सडक माथिबाट ढुगां सहित १० देखि १२ मिटर झरेको पहिरोले बाटो पूर्ण रुपमा अवरोध भएका थियो ।

यात्रुहरुको सहजतालाई मध्यनजर गर्दै प्रहरी चौकी मुक्लीबाट प्रहरी टोली खटी गई प्रहरी, स्थानीय जनप्रतिनिधी, स्थानीयबासी र जेसिबिको सहायताले ढुगां हटाई पुर्ण रुपमा सञ्चालनमा ल्याइएको जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरेले जानकारी दिनुभयो ।