बजारे चिउराको विगविगी, हरायो ढिकीमा कुटेर खाने चलन

असोज २६, सोलुखुम्बु । बजारबाट आयातीत चिउराका कारण गाउँघरमा ढिकी, मिल प्रयोग गरेर बनाईने चिउराको प्रयोग हराउँदै गएको छ । तयारी प्याकेटमा आउने विभिन्न थरिका चिउरा बजारमा पाउने भएपछि गाउँघरमा समेत यस्तै चिउराको प्रयोग बढ्न थालेको हो ।

दशक अगाढी सम्म बजारमा आयातित चिउरा नापउँदा घरघरमा ढिकी, मिल प्रगोग गरेर दशैका लागी चिउरा कुट्ने गरिने भएपनि अहिले बजारमा सहजै पाइने चिउराका कारण अर्गानिक चिउराको प्रयोग हुन छाडेको हो । दशैँका लागी केरा र चिउरा खानपर्छ भनेर हप्तादिन देखी धान भिजाउने र कुटेर चिउरा बनाउने काम सुरु हुने गथ्र्यो तर अहिले छिमेकी देश भारतमा कुटिएका बोरा र प्लाष्टिकमा आउने चिउराले गाउँमा बनाइने चिउरालाई प्रतिस्थापन गर्दै गएको छ ।

दशैमा चिउराको खपत हुने भएकाले होलसेल पुसलहरुले क्वीन्टलका क्वीन्टल ल्याउने गर्छन । तर गाउँघरमा आफ्नै धानबाट ढिकी, मिलले पिसेर बनाइएको जती स्व्स्थकर र गुणस्तरीइ नहुने जानकार बताउँछन । बजारमा प्रतिकेजी १ सय देखी १ सय ५० रुपैयाँ सम्म सहजै पाइन तर गाउँघरमा आफैले बनाउदा मेहनत र समय खर्च हुने भएकाले अहिले चिउरा कुट्ने चलन हराउँदै गएको सोलुखुम्बुका उद्योगी किसोर श्रेष्ठ बताउनुहुन्छ ।

प्राय दशैँमा चिउराको र चिसोको माग अत्याधिक हुन्छ । तर गाउँघरमा बनेको चिउरा जस्तो स्वादीलो र स्वस्थकर नहुने उहाँको भनाई छ । सोलुखुम्बुको नेचासल्यान गाउँपालिका थुलुङ दुधकोशी गाउँपालिका लगायतका पालिकाहरुमा धान उत्पादन पर्याप्त हुन्छ । तर यहाँ चिउरा कुट्ने र बनाउने प्रविधी नहुँदा आयातमै भर पर्नुपरेको व्यापारी धु्रव कार्कीको भनाई छ ।

स्थानीय स्तरमै यस्ता खाद्य सामाग्रीहरुकोे उत्पादन सम्भव भएपनि सिप र प्रविधीको अभावमा जिल्लाको ठुलो रकम बाहीर जाने गरेको उद्योग वाणिज्यसंघ सोलुखुम्बुका अध्यक्ष रामलाल श्रेष्ठले बताउनुभयो ।