शेर्पा संघ अमेरिकाको चौथो महाधिवेशन अक्टोबर २० मा हुने

असोज २९, सोलुखुम्बु । शेर्पा संघ अमेरिकाको चौथो महाधिवेशन अक्टोबर २० मा हुने भएको छ । महाधिवेशन आइतबार शेर्पा किदुग न्युयोर्कको हलमा हुने शेर्पा संघ अमेरिका अध्यक्ष पासाङ दोर्जी एपि शेर्पाले बताउनु भयो ।

शेर्पा संघ अमेरिकामा फाइभ वान सि फोरको मान्यता प्राप्त सामाजिक संस्था हो । संघले नेपालमा विभिन्न समयमा दैविप्रकोपमा परी समस्यामा परेका नेपालीहरुलाई मानवीय सहयोग गर्नुका साथै नेपाल शेर्पा संघ केन्द्रको विविध गतिविधिहरुमा हातेमालो गर्दै आएको छ ।

अमेरिकामा मुलधारको राजनितिमा लाग्ने युवाहरुलाई प्रोत्साहण दिदै आएको संघले पछिल्लो समय न्युयोर्क सिटिको विभिन्न तहको निर्वाचनमा महत्वपुर्ण भुमिका निर्वाह गरेका थिए ।

शेर्पा संघ अमेरिकाले महाअधिवेशनको लागि निर्वाचन समिति गठन गरिएको छ । संघले अक्टोबर २० तारिखका दिन नयाँ कार्यसमिति चयन गरि घोषण गर्ने कार्य सम्पन्न गर्नका लागि शेर्पा संघ अमेरिकाले अक्टोबर १२ तारिख बसेको समितिको बैठकले निम्न निर्वाचन समिति गठन गरिएको हो । संघले अधिबेशनको मिति तोकिएसंगै सदस्यता बितरण कार्य बन्द गरिएको र महाधिबेसन पछि सदस्यता खुल्ला गरिने महासचिव छिरिङ शेर्पाले जानकारी दिनुभयो ।

शेर्पा संघको महाधिवेशन र सदस्यता सम्बन्धी जानकारी चाहिएमा अध्यक्ष पासाङ दोर्जी एपि शेर्पा र महासचिव छिरिङ शेर्पालाई सम्पर्क गर्न संघले अनुरोध गरेको जनाएको छ ।