६९ औँ प्रहरी दिवसका अवसरमा सोलुखुम्बुका डीएसपी घिमिरे पुरस्कृत 

असाेज ३०, सोलुखुम्बु । जिल्ला  प्रहरी कार्यालय सोलुखुम्बुका डीएसपी द्वारिका प्रसाद घिमिरे प्रदेश प्रहरी कार्यालयबाट पुरस्कृत हुनुभएको छ । बुधबार प्रहरी दिवसका अवसरमा डीएसपी घिमिरेलाई जिल्लामा अपराध अनुसन्धान तथा नियन्त्रण, शान्ति सुरक्षा कायम गर्नमा अव्बल भूमिका खेल्नुका साथै, उद्धारमा नागरिकको सेवामा खटिएकोमा उच्च मूल्याङ्नका गर्दै प्रदेश प्रहरी कार्यालय बिराटनगरले पुरस्कृत गरेको हो ।

जिल्लामा रहेर नागरिकको शान्ति सुरक्षा तथा उद्धारमा डीएसपी घिमिरेले आफ्नो जिम्मेवारीलाई जिम्मेवार ढङ्गले निर्वाह गरेकोमा उहाँलाई पुरस्कृत गरिएको प्रदेश प्रहरी कार्यालय विराटनगरका प्रवक्ता तथा प्रहरी वरिष्ठ उपरीक्षक भीम बहादुर दाहालले जानकारी दिनुभयो ।   पुरस्कृत भएपछि रेडियो एभरेष्ट सँग कुराकानी गर्दै उहाँले आफूलाई सोलुखुम्बुबासी सेवामा दत्तचित्त भएर लाग्न प्रेरणा मिलेको बताउँदै थप जिम्मेवारी थपिएको महसुस गरेको बताउनुभएको छ ।

 यस्तै उहाँले नागरिकको सेवा गर्नमा थप उर्जा थपिएको समेत उल्लेख गर्नुभएको छ । उक्त पुरस्कारले आफूलाई सङ्गठनलाई थप सक्रिय गराइ नागरिक र राष्ट्रको सेवामा समर्पित भइ लाग्ने प्रेरणा मिलेको डीएसपी घिमिरेले बताउनुभयो ।