मकालु हिमाल आरोहण गरी फर्कर्दै गर्दा सोलुका एक शेर्पाको मृत्यु

बैशाख २९, सोलुखुम्बु । मकालु हिमाल आरोहण गरी फर्किने सोलुखुम्बुको महाकुलुङका एक पर्वतारोही शेर्पाको मृत्यु भएको छ । सङ्खुवासभामा रहेको विश्वको पाँचौँ अग्लो हिमाल चढ्ने क्रममा एक पर्वतारोहीको मृत्यु भएको छ । आरोहण गरी फर्किने क्रममा सोलुखुम्बुको महाकुलुङ गाउँपालिका–४ का ५४ वर्षीय ल्हाक्पा तेञ्जी शेर्पाको मृत्यु भएको जिल्ला प्रहरी कार्यालय सङ्खुवासभाका प्रहरी निरीक्षक अशोक जबेगुले जानकारी दिनुभयो ।

हिमाल आरोहण गरी फर्कने क्रममा उनि मकालु गाउँपालिका–२ र ३ को सिमानामा बेपत्ता भएका थिए । शेर्पाको शव शुक्रबार दिउँसो मकालु आधार शिविरमा फेला परेको प्रहरी निरीक्षक जबेगुले बताउनुभयो । घटनास्थलबाट शेर्पाको शव मुचुल्का पश्चात् सोलुखुम्बु लगिएको उहाँकाे भनाइ छ । यातायात र सञ्चार सेवा नभएका कारण मकालुक्षेत्र भौगोलिकरूपमा विकट मानिन्छ । घटनास्थल सदरमुकाम खाँदबारीदेखि पाँच दिनको पैदल दूरीमा पर्दछ । पर्वतारोही शेर्पाको शव मुचुल्का पछि आजै सोलुखुम्बु लगिएको जिल्ला प्रहरी कार्यालयले जनाएको छ ।