मंसिर ६, सोलुखम्बु । रेबिज रोग रोकथामका लागि नेचासल्यान गाउँपालिका थालिएको अभियान अन्तर्गत १३० वटा घरपालुवा कुकुर र बिरालोमा रेबिज रोगविरुद्धको खोप लगाइएको छ । गाउँपालिकाको चालु आर्थिक वर्ष २०८१/८२ को वार्षिक कार्यक्रम अन्र्तगत १३० वटा कुकुर र बिरालोलाई रेबिज रोगविरुद्ध खोप लगाइएको हो ।
केही समय अघि वडा नम्बर ३, ४ र ५ मा खोप अभियान अन्तर्गत खोप लगाइएको थियो भने बाकीँ रहेको वडा नम्बर १ र २ मा समेत खोप अभियान सम्पन्न गरिएको पशु शाखा अधिकृत लेखनाथ बास्तोलाले जानकारी दिनुभयो ।
रेबिज प्राणघातक रोग भएकाले पूर्व सावधानी अपनाउन सकेको खण्डमा यसबाट बच्न सकिने भएकाले रोग लाग्ने अवस्था आउन नदिनका लागि गाउँपालिकाले निशुल्क खोपको व्यवस्था गरेको अधिकृत बास्तोलाको भनाई छ । यहि मंसिर ४ गतेबाट सुरु गरिएको अभियान बिहिबार सम्पन्न गरिएको गाउँपालिकाले जनाएको छ ।
Discussion about this post