लामिछाने दोषी ठहर भए राजनीति छाडिदिन्छु ः प्रसाई

मंसिर ८, सोलुखुम्बु । राष्ट्रिय स्वतन्त्र पार्टीका केन्दि्रय सदस्य रमेश प्रसाइँले पार्टी सभापती रवी लामिछानेलाई राजनैतिक प्रतिशोधका आधारमा हिरासतमा राखिएको दावी गर्नुभएको छ । सोलुखुम्बुमा आयोजित जिल्ला भेलालाई सम्बोधन गर्दै उहाँले पार्टी सभापती लामिछानेलाई सरकारले राजनैतिक प्रतिशोधका आधारमा थुनामा राखिरहेको जिकिर गर्नुभएको हो । उहाँले पुराना दलहरुले आफ्ना पार्टीका नेताहरुलाई बचाउन सरकार ढालेर लामिछानेलाई झुटा आरोपमा पक्राउ गरेको उल्लेख गर्नुभएको हो । उहाँले शिक्षा, स्वास्थ्य, विकास निर्माण लगायत नागरिकका आधारभूत पक्षलाई रास्वपाले पुरा गर्ने तर परिक्षणको मौका दिन आग्रह गर्नुभयो ।

कार्यक्रमलाई सम्बोधन गर्दै पार्टी सभापती रवी लामिछाने सहकारी ठगी प्रकरणमा दोषी ठहर भए आफूले राजनीतिनै छाडिदिने समेत घोषणा गर्नुभएको छ । उहाँले शुक्रबार नेकपा एमालेले आयोजना गरेको उपत्यका विशेष जागरण सभालाई लक्षित गर्दै सकिने बेलाको चमक संज्ञा दिनुभएको छ । राष्ट्रिय स्वतन्त्र पार्टी जिल्ला कार्य समितिले आयोजना गरेको जिल्ला भेलालाई सम्बाेधन गर्दै कोशी प्रदेश महामन्त्री लाल विक्रम थापाले सरकार भ्रष्टाचार र बेथितिमा रुमलिएको बताउनुभयो ।

उहाँले आफ्नो दल जनतामाझ लोकप्रिय भएको प्रतिशोध साँधेर सभापतिमाथि निराधार आरोप सहित फक्राउ गरेको भन्दै यसले पार्टीलाई थप सशक्त बनाएको बताउनुभयो । उहाँले जिल्लामा भएका तमाम समस्याको समाधानका लागी आगामी २०८४ को निर्वाचनमा जिल्लालाई घण्टी बनाउँन आग्रह गर्नुभयो । यस्तै कार्यक्रममा बोल्दै रास्वपा जिल्ला सभापती नारायणकाजी कार्कीले जिल्लामा अव विकल्प खोज्ने समय आएको बताउँदै जनताका समग्र समस्याहरुलाई सामाधान गर्ने गरी जिल्लामा रास्वपालाई मौका दिन आग्रह गर्नुभयो ।