अध्यक्ष बस्नेतद्वारा निर्माणधिन ढलको अनुगमन, गुणस्तरीय काम गर्न निर्माण कम्पनीलाई निर्देशन

मंसिर ११, सोलुखुम्बु । सोलुखुम्बुको सोताङ गाउँपालिका वडा नम्बर ५ मा निर्माणधिन ढलको गाउँपालिका अध्यक्ष खिलाराज बस्नेतले अनुगमन गर्नुभएको छ । कोशी प्रदेश भौतिक पूर्वाधार तथा सहरी विकास मन्त्रालय, शहरी विकास तथा भवन कार्यालय ओखलढुङ्गाको आर्थिक सहयोगमा निर्माणधिन ढलको अध्यक्ष बस्नेतले सोमबार अनुगमन गर्नुभएको हो ।

अनुगमनका क्रममा अध्यक्ष बस्नेतले गुणस्तरीय ढल निर्माण गर्न रमण निर्माण सेवा प्रा.ली.लाई निर्देशन दिनुभएको छ । २०८० भदौ ३१ गते ठेक्का सम्झौता गरी निर्माण कम्पनीले निमार्णको कार्य अघि बढाएको थियो ।

ढल व्यवस्थापनका लागि ४ करोड १६ लाख १७ हजार ४२ रुपैयाँको लागतमा सम्पन्न गरिने सम्झौतामा उल्लेख गरिएको छ । ढल निर्माण कार्य पहिलो खण्ड सम्पन्न भई दोस्रो खण्डको काम भईरहेको जनाइएको छ । वर्षौँदेखि शिव टार बजार क्षेत्रको ढल व्यवस्थापन हुन नसक्दा समस्या स्थानीयले समस्या झेल्दै आएका थिए ।