ऐसेलुखर्कमा १५ शय्याको अस्पताल निर्माणकार्य ८५ प्रतिशत सकियो

मंसिर १६, सोलुखुम्बु । खोटाङको ऐसेलुखर्कमा निर्माणाधीन १५ शय्याको अस्पताल भवनको काम ८५ प्रतिशत सम्पन्न भएको छ । जिल्लाको ऐसेलुखर्क गाउँपालिका–३ ऐसेलुखर्क बजारमा निर्माणाधीन १५ शय्याको पालिकास्तरीय अस्पताल भवनको काम ८५ प्रतिशत सम्पन्न भएको हो ।

लिफ्ट सुविधासहितको अपाङ्गमैत्री अस्पताल भवन आगामी दशैँअघि हस्तान्तरण गर्ने योजनासहित निर्माणको कामलाई तीव्रता दिइएको ठेकेदार कम्पनीले जनाएको छ । निर्माणाधीन अस्पताल भवनको भूइँतलामा ईमरजेन्सी (आकस्मिक कक्ष), ल्याब र ऐक्स–रे सेवा, पहिलो तलामा शल्यक्रिया (अप्रेशन) र ओपिडी (बहिरङ) सेवा, दोस्रो तलामा वार्ड (शय्या) र प्रशासन तथा अन्तिम तलामा भण्डारण (स्टोर) र क्लिनिङ (औजार सफा गर्ने ठाउँ) हुने विस्तृत परियोजना प्रतिवेदन (डिपिआर) मा उल्लेख गरिएको छ ।

भ्याटसहित १९ करोड ३० लाख ४४ हजार १६४ लागतमा श्यामसुन्दर–गोरखा–तुवाचुङ जेभीले अस्पताल भवन निर्माणको जिम्मा लिएको हो । हरेक फ्लोर (तला) मा पब्लिक (सर्वसाधारण/सेवाग्राही) र स्टाफ (कर्मचारी)का लागि महिला/पुरुष छुट्टाछुट्टै सौचालय निर्माण हुने सम्झौतामा उल्लेख छ । अपाङ्गता भएका व्यक्तिलेसमेत सहजरुपमा सेवा लिनसक्ने वातावरण बनाउन अन्तिम फ्लोरसम्म नै ¥याम्प भ¥याङ (ह्वील चियर गुडाउन मिल्ने भ¥याङ) निर्माण हुने जनाइएको छ ।

निर्माणाधीन अस्पताल भवनको भूइँ तला, दोस्रो । तेस्रो तलामा प्लास्टर सम्पन्न गरि रगंरोगनको काम भईरहेकोे निर्माणस्थलमा खटिनुभएका ठेकेदार कम्पनीका इन्जिनियर नवीनकुमार यादवले जानकारी दिनुभयो । निर्माणस्थलमा अहिले दक्ष प्राविधिकसहित ४० जना कामदार खटाइएको छ ।

वि.सं. २०७९ साउन–२६ गते सम्झौता गरिएको अस्पताल भवनको काम गत २०८० माघ–२३ सम्पन्न गर्नुपर्ने थियो । तोकिएको समयमा अस्पताल भवन निर्माणको काम सम्पन्न नभएपछि छ महिना अर्थात वि.सं. २०८१ साउन–२५ गतेसम्मका लागि पहिलो पटक म्याद थप थियो भने पुन : काम नसकिएकाले विं.स २०८१ माघ मसान्त सम्म अन्तिम म्याद थप गरिएको जनाइएको छ ।

बर्खायाममा बाढी पहिरोका कारण निर्माण सामाग्री चाडैँ आइनपुगेकाले काममा ढिलाई भएको निर्माण कम्पनीले जानएको छ । यता जग्गा विवादका कारण ढिलागरी शुरु गरिएको अस्पताल भवन गुणस्तरीय बनाउन तथा थपिएको मितिमा सम्पन्न गर्न गाउँपालिकाको तर्फबाट सहजीकरण गर्ने काम भइरहेको गाउँपालिका अध्यक्ष गिरेन्द्र बहादुर राईले जानकारी दिनुभयो ।  ऐसेलुखर्कमा निर्माणाधीन सुविधा सम्पन्न अस्पताल सञ्चालनमा आएपछि छिमेकी जिल्ला सोलुखुम्बूका स्थानीय बासिन्दालाई समेत सहज हुने गाउँपालिकाले जनाएको छ ।