माप्य दुधकोशीका दुई विद्यालयमा नेविसंघ इकाई समिती गठन

मंसिर १६, सोलुखुम्बु । नेपाल विद्यार्थी संघ जिल्ला कार्य समिति सोलुखुम्बुले माप्य दुधकोशी गाउँपालिका भित्रका दुई वटा विद्यालयमा नेविसंघ इकाई समिती गठन गरेको छ । जिल्ला अध्यक्ष विभूषण राई सहितको संगठन विस्तार टोली माप्य पुगेर आईतबार दुई वटा विद्यालयमा इकाई समिती गठन गरेको हो ।

नेविसंघले खास्ताब माविमा धिरज राईको अध्यक्षतामा ६५ सदस्यीय इकाई समिति गठन गरिएको जनाइएको छ । उपाध्यक्षद्धयमा ईश्वरी राई र लोकेन्द्र कार्की, सचिवमा रुबिना कार्की, सह सचिवमा जेनुका कार्की र लक्ष्मी भुजेल तथा कोषाध्यक्षमा मुना कार्की चयन हुनुभएको छ । यस्तै काकु माविमा सुमन नेपालीको अध्यक्षतामा ३१ सदस्यीय इकाई समिति गठन गरिएको छ ।

उपाध्यक्षद्धयमा मिलन राई र युनिसा राई, सचिवमा रेविका राई, सह सचिवमा मनोज विक र कोषाध्यक्षमा दिपेश राई चयन हुनुभएको छ । जिल्ला अध्यक्ष राईले संगठन विस्तारलाई तीव्रता दिँदै नेपाली काँङ्ग्रेसको भातृ संगठन नेपाल विद्यार्थी संघ लोकतन्त्रलाई संस्थागत गर्न दृढतापूर्वक लागी परेको उल्लेख गर्नुभयो । गाउँपालिकाका सबै वडाका मावि तहका विद्यालयमा संगठन विस्तार गर्दै जाने अध्यक्ष नेविसंघको तयारी रहेको पनि राईले बताउनुभयो ।