माप्यका ५ विद्यालयमा इकाई समिति विस्तार गर्दा नेविसङ्घमा  २४४ विद्यार्थी आवद्ध 

मंसिर २३, सोलुखुम्बु ।  नेपाल विद्यार्थी संघ सोलुखुम्बुले माप्य दुधकोशी गाउँपालिकाका ५ वटा विद्यालयमा इकाई समिति गठन गरेको छ । नेविसङ्घले गाउँपालिकाको सबै वडाका ५ वटा विद्यालयका विद्यार्थीहरुलाीई सङ्गठित गर्दै इकाई समिति गठन कार्य सम्पन्न गरेको हो । जिल्ला अध्यक्ष बिभूषण राईले माप्य दुधकोशीका खास्ताव मावि, काँकु मावि, हिमालय मावि, सगरमाथा मावि र खास्ताव मावि गरि जम्मा ५ वटा माविमा इकाई समिति विस्तार गरि २ सय ४४ विद्यार्थीलाई सङ्गठित गरेको पनि बताउनुभएको छ ।  आइतबार वडा नम्बर ६ र ७ का एक/एक विद्यालयमा इकाई समिति विस्तार गरेसँगै गाउँपालिकाका सबै विद्यालयमा नेविसङ्घको इकाई समिति गठन गरिसकिएको पनि उहाँको भनाई छ ।  आइतबार सगरमाथा मावि  माप्य ६ मा सत्य विकको अध्यक्षतामा ६१ सदस्यीय इकाई समिति गठन गरिएको छ भने हिमालयन मावि हाकुलामा प्रतीक राईको अध्यक्षतामा ३७ सदस्य इकाई समिति गठन भएको छ ।