उदयपुरमा यात्रुबाहक जीप दुर्घटना चालकको मृत्यु, ५ घाइते

मंसिर २४, साेलुखुम्बु ।  उदयपुरमा एक जिप दुर्घटना हुँदा चालकको ज्यान गएको छ  । जिल्लाको लिम्चुङबुङ्ग गाउँपालिकामा जिप दुर्घटना हुँदा चाकको मृत्यु भएको हाे भने ५ जना घाईते भएका छन् । सोमबार जिल्ला सदरमुकाम गाईघाटबाट लिम्चुङबुङ्ग जाँदै गरेको बा १ च ३२६७ नम्बरको यात्रुबाहक जिप लिम्चुङबुङ वडा नं. ३ तिनचोके भन्ने स्थानमा दुर्घटना हुँदा चालक त्रियुगा नगरपालिका–१६ का २६ वर्षीय युवराज तामाङको घटना स्थलमै मृत्यु भएको जिल्ला प्रहरी कार्यालय उदयपुरले जनाएको छ ।

जिल्ला प्रहरी कार्यालय उदयपुरका प्रहरी नायब उपरीक्षक (डिएसपी) राजन चापागाँईले अनुसार जिप दुर्घटनामा परी  ५ वर्षीय बालिका सहित ५ जना घाईते भएको छन् । घाईते हुनेहरूमा लिम्चुङबुङ्ग गाउँपालिका वडा नं. ३ का १९ वर्षीया सुस्मिता खत्री, ५ वर्षीया बालिका सुबिमा खत्री, ४१ वर्षीया निल लक्ष्मी राई, ६२ वर्षीया चरिमाया राई र वडा नं. ४ थाप्राङका ४७ वर्षीय बलदीप राई रहेका छन् ।  घाइतेहरू मध्ये चरिमायाको अवस्था गम्भिर रहेको डीएसपी चापागाँईले जनाए । अन्य घाइतेहरूको अवस्था भने समान्य रहेको छ । हाल घाइतेहरूको जिल्ला अस्पताल उदयपुरमा उपचार भइरहेको प्रहरीले जनाएको छ ।