चर्चित क्रिकेटर धवनले गरे सगरमाथा अाधार शिविरकाे भ्रमण

मंसिर २४, सोलुखुम्बु ।  चर्चित भारतीय क्रिकेटर शिखर धवनले सोलुखुम्बु स्थित एभरेष्ट बेसक्याम्प अवलोकन गरेका छन् । नेपाल प्रिमियर लिग खेल्न नेपाल आउका धवनले स्वदेश फर्कनु अघि विश्वकै उच्च शिखर सगरमाथाको अवलोकन गरेर स्वदेश फर्किएका हुन ।  कर्णाली याक्सका सहमालिक गृहेन्द्र घिमिरे सहितले आइतबार एभरेष्ट बेसक्याम्पको अवलोकन गरेको जनाइएको छ । पहिलोपटक सोलुखुम्बु आइपुगेका उनले प्रमुख पर्यटकीय गन्तव्य सगरमाथा क्षेत्रको खुलेर प्रशंसा गरेका छन् ।

उनले आगामी समयमा समय मिलाएर फेरी राम्रोसँग भ्रमण गरेर फर्किने गरि आउने बताएको श्रोतले बताएको छ ।  मनाङ एअरका हेलिकप्टरमा एभरेष्ट बेसक्याम्प आउका धवनले करिव ५ घण्टा समय सोलुखुम्बुमा बिताएका थिए भने त्यसपश्चात् उनी काठमाण्डौ फर्किएर स्वदेश फिर्ता भएका थिए  ।  विदेशी पर्यटकहरूको पर्यटकीय गन्तव्यको सूचीमा पहिलो आकर्षण सगरमाथा क्षेत्र पर्ने गरेको छ ।  वर्षेनी सगरमाथा क्षेत्र भ्रमणका लागी हजारौँ पर्यटक खुम्बु क्षेत्र आउने गरेका छन् ।