सोलुखुम्बुमा यसवर्ष ह्वात्तै घट्यो धान उत्पादन, कहाँ कति भयो उत्पादन ? 

मंसिर २४, सोलुखुम्बु ।  हिमाली जिल्ला सोलुखुम्बुमा यस वर्ष धान उत्पादन १ हजार मेट्रिकटन बढीले घटेको छ ।  आर्थिक वर्ष २०८०/८१ को तुलनामा चालु आर्थिक वर्ष २०८१/८२ मा जिल्लाको धान उत्पादनमा १ हजार २१ मेट्रिकटनको कमी आएको हो ।  गत असोज मा ३ दिन परेको अविरल वर्षात पछिको बाढी पहिरोले धान लगाइएका खेत सहित धानमा क्षति पु¥याउँदा यस वर्ष धान उत्पादन घटेको हो ।  यससँगै विभिन्न रोग किराले पनि जिल्लाको धान उत्पादन घटाउन भूमिका खेलेको कृषि ज्ञान केन्द्र सोलुखुम्बुले जनाएको छ ।

  गत वर्ष जिल्लामा ३ हजार ३ सय ४४ मेट्रिक टन धान उत्पादन भएकोमा यस वर्ष उक्त उत्पादन १ हजार २१ मे.टले घटेर २ हजार ३ सय २२ दशमलव ८३ मेट्रिकटन मात्रै उत्पादन भएको जनाइएको छ । गत वर्ष १ हजार २ सय २५ हेक्टर क्षेत्रफलमा धान खेती लगाइएकोमा यस वर्ष खेती लगाइने जमिन पनि घटेर १ हजार २ सय १६ मा झरेको छ । जसमध्ये नेचासल्यान गाउँपालिकाको ३ सय ७५ दशमलव २४ हेक्टर क्षेत्रफलमा धान लगाइँदा ७ सय १६ दशमलव ७१ मेट्रिक टन धान उत्पादन भएको छ ।  यस्तै थुलुङ दुधकोशीमा २ सय ३५ दशमलव २५ हेक्टर क्षेत्रफलमा धानबाली लगाउँदा ४ सय ४९ दशमलव ३३ मेट्रिकटन धान उत्पादन भएको छ । उ

ता सोताङ गाउँपालिकाको २ सय १८ हेक्टर क्षेत्रफलमा धान लगाउँदा ४ सय १६ दशमलव ६८ मेट्रिकटन, महाकुलुङमा २२ दशमलव ७५ हेक्टर क्षेत्रफलमा लगाउँदा ४३ दशमलव ४५ मेट्रिकटन, माप्य दुधकोशीको १ सय १६ दशमलव ६५ हेक्टर क्षेत्रफलमा लगाइएको धानबालीबाट २ सय २२ दशमलव  ८० मेट्रिकटन, लिखुपिकेको १ सय ८७ दशमलव ८७ हेक्टरमा लगाइएको धानबालीबाट ३ सय ५८ दशमलव ६ मेट्रिकटन धान उत्पादन भएको छ ।  

भने सोलुदुधकुण्ड नगरपालिकाको ६० हेक्टर क्षेत्रफलमा लगाइएको धानबालीबाट  १ सय १५ दशमलव ५६ मेट्रिकटन धानबाली उत्पादन भएको छ ।  जिल्लाका आठ पालिका मध्ये सबैभन्दा धेरै धान खेती नेचासल्यान गाउँपालिकामा हुने गरेको भने उत्पादन पनि सोही गाउँपालिकामा हुने गरेको छ ।