गुप्तकालिका मन्दिर दोर्पुको सरसफाइ गरियो 

मंसिर २५, सोलुखुम्बु ।  प्रहरीले गुप्तकालिका मन्दिर सरसफाइ गरेको छ ।  समुदाय प्रहरी साझेदारी कार्यक्रम अन्तर्गत सोलुखुम्बुको सोलुदुधकुण्ड नगरपालिका ६ स्थित गुप्तकालिका मन्दिर सरसफाइ गरिएको हो ।  मन्दिर व्यवस्थापन समितिको आयोजनामा मङ्गलबार नगरपालिका र प्रहरीको साझेदारीमा मन्दिर सरसफाइ गरिएको जनाइएको छ ।  मन्दिर सरसफाईका लागी जिल्ला प्रहरी कार्यालय सोलुखुम्बु, सशस्त्र प्रहरी वल सोलुखुम्बु, मन्दिर व्यवस्थापन समितिका पदाधिकारी, सोलुदुधकुण्ड नगरपालिकाको वातावरण शाखा मन्दिर पुगेको जनाइएको छ ।  मन्दिर सरसफाइ गरि मन्दिर क्षेत्रभित्र रहेको रुखका पात तथा अन्य फोहोर हटाइएर मन्दिरको सौन्दर्य कायम गरिएको जनाइएको छ ।  फोहोरले मन्दिरको सौन्दर्यपना हराउँदै गएपछि सरसफाइ गरिएको जिल्ला प्रहरी कार्यालय सोलुखुम्बुले जनाएको छ ।