लैङ्गिक हिंसा विरुद्धको १६ दिने अभियान, नेचासल्यानमा वक्तित्वकला कार्यक्रम गर्दै सकियो 

मंसिर २५, सोलुखुम्बु ।  लैङ्गिक हिंसा विरुद्धको सोह्र दिने अभियान (नोभेम्बर २५ – डिसेम्बर १०) नेचासल्यानमा सम्पन्न भएको छ ।  गाउँपालिकाले विभिन्न कार्यक्रम गर्दै सम्पन्न गरेको अभियानको आज अनतीम दिन बक्तृत्वकला प्रतियोगिताको आयोजना गरि समापन गरेको हो ।  गाउँपालिकाका ६ माध्यमिक विद्यालयका ११ विद्यार्थीको सहभागितामा सम्पन्न बकृत्वकला प्रतियोगितामा छात्र तर्फ भूमेश्वरी मावि नेचासल्यान १ का नेल्सन राई प्रथम भएका छन भने छात्रा तर्फ हिमाल दर्शन मावि नेचासल्यान ३ की गरिमा फूयल प्रथम भएकी छन् ।

 यस्तै  प्रतियोगितामा छात्र तर्फको दोश्रो स्थान विषम निरौला ( विपी संस्कृत ), छात्रा तर्फ झर्ना श्रेष्ठ (गणेशथान मावि), छात्र तर्फ तेश्रो स्थान भीष्म फूयल (केदार मावि) र छात्रा तर्फ निर्जला राई (भूमेश्वरी मावि) ले हात पारेका छन् ।  प्रतियोगितामा प्रथम, द्वितीय, तृतीय हुने विद्यार्थी ले क्रमशः ३ हजार, २ हजार र १५ सयको साथमा प्रमाणपत्र प्राप्त गरेका छन् ।  

गाउँपालिका उपाध्यक्ष विना राईको अध्यक्षता एवं गाउँपालिकाका प्रमुख प्रशासकीय अधिकृत विशाल घिमिरेको प्रमुख आतिथ्यतामा सम्पन्न एक औपचारीक कार्यक्रमका बीच सोह्र दिने अभियान समापन भएको सहकर्मी धन कुमार ढुङ्गेलले बताउनुभयो ।  कार्यक्रममा नेकपा एमालेका प्रतिनिधी बालकुमार भट्टराई, नेपाली काङ्ग्रेसका प्रतिनिधि विष्णु प्रसाद बाँस्तोला लगायतले लैङ्गिक हिंसाको विषयमा धारणा राखेका थिए ।  प्रतियोगितामा बिजेताहरूलाई राईले प्रमाणपत्र सहित नगद पुरस्कार प्रदान गर्नुभएको छ ।