पौष ३, सोलुखुम्बु । व्यवसायिक तथा सीप विकास तालिम केन्द्र ओखलढुंगाले सोलुखुम्बुका करिब २ सय जना नागरिकलाई तालिम प्रदान गरेको छ । कार्यालयलको तथ्यांक अनुसार आर्थिक बर्ष २०८०/०८१ मा सोलुखुम्बुका १ सय ९३ जनालाई तालिम प्रदान गरेको हो ।
कार्यालय प्रमुख जितेन राईका अनुसार ओखलढुंगाका ३ सय ३६ जना र खोटाङका १ सय ४८ जनाले विभिन्न प्रकारका व्यवसायिक सीप सिकेका छन् । तालिम लिनेमा पुरुष भन्दा महिलाको संख्या दोब्बर रहेको राईको भनाई छ । तथ्यांक अनुसार १ सय १० जना पुरुष तालिममा सहभागी भएका छन् भने २ सय ३३ जना महिलाले तालिम भएको पाईएको छ ।
नियमित र विशेष सीप विकास अन्तर्गतका तालिममा ओखलढुंगा सहित सोलुखुम्बु र खोटाङका गरि कुल ६ सय ८८ जनाले सीपमुलक तालिम लिएका छन् ।
विभिन्न स्थानिय तहसँगको समन्वयमा उद्यमसिलता र सीपविकास तर्फ कटाई–सिलाई, आधारभूत कम्प्युटर, केश श्रंगार, ढाका बुनाई, कुक, बेकरी र होम स्टे लगायतका तालिम सन्चालन गरिएको जनाइएको छ । युवाहरुलाई स्वरोजगार बनाउने उद्देश्यले तालिम प्रदान गरिएको कार्यालयले जनाएको छ ।
Discussion about this post