स्थानीय खोलाले बगाउँदा तिङलाका टेकराज को मृत्यु

सोलुखुम्बुको सोलुदुधकुण्ड नगरपालिका ११ तिङ्लाकाे बागम खोलाले बगाउँदा  एक युवा को मृत्यु भएको छ ।  तिङ्लाका सुर्य बहादुर मगरका  २० वर्षिय छोरा टेकबहादुर मगर आज विहीबार विहान करिव ९ बजे सोलुदुधकुण्ड नगरपालिका वडा नम्बर ८ केरुङको बागम खोलामा मृत अवस्थामा फेला परेका हुन ।

 बुधबार दिउँसो १ बजे देखी घरबाट निस्किएका टेकराज साँझ घर नफर्किएपछि खोजतलास सुरु भएको थियो । मानसिक तथा शारीरिक अवस्था कमजोर भएका उनलाई खोजी गर्दा बिहान खोलाले बगाएको अवस्थामा मृत फेला परेको स्थानीय भेष मगरले जानकारी दिनुभएको छ । उनलाई बुधबार ४ः ३० तिर विद्यार्थीले बाटोमा हिँड्दै गरेको देखिएको जानकारी प्राप्त भएको र त्यसपछि सम्पर्कमा नआएको उहाँको भनाई छ । मृतक मगरको शव भेटिएको ठाउँ भन्दा ३ सय मिटर माथिबाट बाटो भएको हुँदा उनी लडेको र त्यहि समयमा बाढीले बगाएर उनको मृत्यु भएको हुन सक्ने प्रहरीको प्रारम्भिक अनुमान छ ।  

मानसिक अवस्था कमजोर भएका टेकराज घरको एक्लो छोरा हुन । उनको परिवारमा आमा बुबा र ४ दिदी बहिनी छन ।  उनको शव पोस्टमार्टमका लागी जिल्ला अस्पताल फाप्लु ल्याइएको र पोस्टमार्टम पश्चात अन्तिम संस्कारका लागी तिङ्ला फर्काइने बताइएको छ । 

 यो समाचार पढेर तपाँइलाई कस्तो लाग्यो ?