ताप्लि गाउँपालिकामा खृष्टमसको शुभकामना आदनप्रदान

पौष ५, सोलुखुम्बु । उद्यपुरको ताप्लि गाउँपालिका रुपाटारमा खृष्टमसको शुभकामना आदनप्रदान कार्यक्रम आयोजना गरिएको छ । शुक्रबार ताप्ली ईसाई समाज ताप्ली गाउँपालिकाको आयोजनामा रुपाटार जाऔ, कृषमस २०२४ सफल पारौं “ भन्ने मूल नारा सहित शुभकामना आदानप्रदान गरिएको हो ।

गाउँपालिका भित्रका १६ वटा मण्डलिहरुका पास्टर, इसाई धर्माबलम्बिहरु, साथै धर्म प्रती आस्थावान व्यक्तिहरुको उपस्थितमा सबै मण्डली परिवारबाट विभिन्न सास्कृतिक कार्यकम साथै झाकी प्रदर्शनी गरिएको संवाददाता ठविन्द्र मगरले जानकारी दिनुभयो । उहाँका अनुसार कार्यक्रमका प्रमुख वक्ता, पुर्वाञ्चल ईसाई समाजका अध्यक्ष बिक्रम बर्नबासद्धमरा धार्मिक प्रवचन भएको थियो ।

ताप्ली गाउँपालिकाको पहिलो मण्डली स्थापना ताप्ली ४ ठानागाउ को खोलागाउमा पास्टर चित्र मगरको सकृयतामा भएको र अहिले गाउँपालिकाको ५ वटै वडामा १६ वटा मण्डलिहरु स्थापना भैइसकेको छ भनी उल्लेख गरिएको छ । कार्यक्रममा सम्पुर्ण मण्डलिका पास्टर, राजनितिक दलका पार्टी प्रतिनिधिहरुले शुभकामना मन्तव्य राखेका थिए ।

कार्यक्रममा गाउँपालिका अध्यक्ष ढुङ्गराज बिश्वकर्माले सम्पुर्ण ईसाई धर्मप्रति आस्थावान व्यक्तित्वहरुलाई खृष्टमसको शुभकामना दिनुहुदै स्थानिय सरकारको तर्फबाट ईसाई समाजको लागि भरिपुर्ण साथ सहयोग बताउनुभएको छ । उक्त कार्यक्रममा मण्डलिहरुलाई प्रमाणपत्र र अतिथिहरुलाई मायाको चिनो प्रदान गरिएको जनाइएको छ ।

ताप्ली ईसाई समाजका अध्यक्ष भरत सिंह तामाङको अध्यक्षतामा भएको कार्यक्रममा विभिन्न राजनितीक दल, संघसंस्थाका प्रतिनिधि, शिक्षकहरुको उल्लेखनीय उपस्थिती रहेको थियो ।