माप्य दुधकोसी ६ वाकुका विभिन्न सडकखण्ड मर्मत गरियाे

पौष ७, सोलुखुम्बु ।  सोलुखुम्बुको माप्य दुधकोशी गाउँपालिका वडा नम्बर ६ भित्रका विभिन्न सडक खण्डहरु मर्मत गरिएको छ । बाढी पहिरो लगायत विभिन्न कारण अवरुद्ध बनेको वडा क्षेत्रभित्रको सडक मर्मत गरिएको हो । वडा अध्यक्ष राम प्रसाद मगरको पहलकदमीमा वडा नम्बर ६ वाकु क्षेत्रको विभिन्न ३ वटा सडक खण्ड मर्मत गरिएको जनाइएको  छ ।

 पहिरो झरेर अवरुद्ध बनेको पसलपानी–चुच्बी सडक खण्ड सखार गरिएको छ ।  उक्त सडक खण्डको करिव ३ सय मिटर ठुलो पहिरोका कारण अवरुद्ध सडक सखार गरेर खुलाइएको संवाददाता देवी प्रसाद घिमिरेले बताउनुभयो ।  उहाँका आनुसार वडा नम्बर ६ को मेप्सी देखी बदोबर सम्म जाने सडक खण्डमा रहेका खाडल तथा भत्किएको स्थानमा मर्मत गरि सडक खुलाइएको छ ।  

यस्तै सलनी देखी चुच्बी सडक खण्डमा पनि भएका अवरोधहरू हटाएर सडक सहज रुपमा सवारी साधन सञ्चालनका लागी बाटो खुलाइएको हो ।  १० दिनको अवधीमा वडा अध्यक्ष मगरको पहलकदमी पछि बाटो पूर्ण रुपमा खुलेपछी स्थानीय जनतालाई आवतजावतमा सहज भएको जनाइएको छ ।