पौष ८, सोलुखुम्बु । नेकपा (माओवादी केन्द्र) सोलुदुकुण्ड नगरपालिका सम्पर्क समन्वय समितिमा नयाँ नेतृत्व चयन भएको छ । केन्द्रीय सदस्य तथा जिल्ला पार्टी इन्चार्ज हेमकुमार राई(शुरबिर)को प्रमुख आतिथ्यतामा राजधानी काठमाडौंमा आईतवार सम्पन्न दोस्रो सम्मेलनले पेम्बा ग्याल्जेन शेर्पाको अध्यक्षतामा २९ सदस्यीय नयाँ समिति चयन गरेको हो ।
समितिको उपाध्यक्षद्वयमा पबित्रा राई र निरज मगर,सचिबमा ङिमा शेर्पा र सहसचिवमा दिपेन्द्र राई तथा कोषाध्यक्षमा लाक्पा शेर्पा चयन भएको नेकपा माओवादी केन्द्र जिल्ला समन्वय समितिका प्रचार बिभाग प्रमुख भोजराज कार्कीले जानकारी दिनुभयो ।
सपना प्रधानको अध्यक्षतामा सम्पन्न सो सम्मेलनमा नेकपा माओवादी केन्द्र जिल्ला समन्वय समिति सोलुखुम्बुका संयोजक नाम्गेल शेर्पा,काठमाडौं सोलु सम्पर्क समन्वय समिति संयोजक सुबास जमरकट्टेल तथा थुलुङ दुधकोशी गाउँपालिका इन्चार्ज घनश्याम नेपाली लगायतको उपस्थिति रहेको थियो। पार्टीले यसअघि खुम्बु पासाङल्हामु, थुलुङ दुधकोशी र नेचासल्यान सम्पर्क समन्वय समिति गठन गरिसकेको छ ।
Discussion about this post