ताप्लीमा अन्तर मावि राष्ट्रपति रनिङ शिल्ड प्रतियोगिता सुरु

पौष ८, सोलुखुम्बु । उदयपुरको ताप्ली गाउँपालिकामा अन्तर मावि राष्ट्रपति रनिङ शिल्ड प्रतियोगिता सुरु भएको छ । “राष्ट्रका लागि खेलकुद, स्वास्थ्यका लागि खेलकुद” भन्ने मुल नारा सहित सोमबारबाट प्रतियोगिता सुरु भएको हो ।

ताप्ली गाउँपालिकाको समन्यव तथा मध्यमिक विद्यालय कटहरे र जनज्योती बालक्लवको आयोजनामा ३ दिने राष्ट्रपति रनिङ शिल्ड प्रतियोगिता सुरु भएको संवाददाता ठविन्द्र मगरले जानकारी दिनुभयो ।

ताप्ली गाउँपालिकाका अध्यक्ष ढुङ्गराज बिश्वकर्मा बाट उद्घाटन गरिएको समारोहमा गाउँपालिका उपाध्यक्ष धनामाया मगर, प्रमुख प्रशासकिय अधिकृत भक्त बहादुर राई, शिक्षा शाखा प्रमुख रेवती कुमारी जोशी लगाएतको विभिन्न राजनितिक दलका प्रतिनिधि , बिद्यालयका शिक्षक, बिद्यार्थीहरुको उपस्थिती रहेको थियो ।

१० गते सम्म सन्चालन हुने प्रतियोगितात्मक कार्यक्रममा ६ वटा मा.बि. का छात्र र छात्रा छुट्टाछुट्टै भलिबल खेलका लागि १२ वटा समुहले सहभागिता जनाएका छन । उक्त प्रतियोगिता कार्यक्रमबाट प्रथम द्वितीय र तृतीय हुने खेलाडी समुहलाई नगदको साथमा शिल्ड ,मेडल र प्रमाण पत्र प्रदान गरिने आयोजकले जनाएको छ ।