खरिखोला माविमा इको क्लब गठन

जेठ ३, सोलुखुम्बु । सोलुखुम्कुको खुम्बु पासाङ ल्हमु गाउँपालिका १ स्थित खरिखोला माध्यमिक विद्यालयमा इको क्लब गठन भएको छ । विद्यालयका विद्यार्थी सोनी रनपालको अध्यक्षतामा १५ सदस्यीय इको क्लब गठन भएको हो । वातावरणीय सरसफाइ तथा वातावरणको संरक्षणमा विद्यार्थीहरूको चासो बढाउने उद्देश्य सहित निर्माण भएको समितिलाई विद्यालयका विद्यार्थीहरू नेतृत्व गर्दे आएका छन ।  नवगठित समितिको उपाध्यक्षमा विशाल राई, सचिवमा आयुश रेग्मी मगर, निर्जरा राना मगर र सहसचिवमा सुजता बिक छन ।

यस्तै सह कोषाध्यक्षमा दावा गेल्मु शेर्पा छन भने सदस्यहरूमा सुम्नीमा थापा मगर, सुवास मगर, नुमा राना मगर, ल्हाक्पा डोमा शेर्पा, मिना लक्ष्मी रनपाल, दाटी शेर्पा छन । फुर्वा सोनाम शेर्पा, सम्झना राई र सुशन राई पनि सदस्यमा चयन भएका छन ।  नवगठिन क्लब र सगरमाथा प्रदुषण नियन्त्रण समितिले खुम्बु  पासाङ ल्हामु गाउँपालिका वडा नं १ खरिखोला मावि आसपास सरसफाइ समेत सम्पन्न गरेको छ ।

विद्यालय आसपासको फोहोर मैला व्यवस्थापन र फोहोरमैला सम्बन्धी सचेतना कार्यक्रम सम्पन्न भएको विद्यालयले जनाएको छ ।  विद्यार्थीहरूले विभिन्न सचेतना मूलक सन्देश लेखिएका प्ले कार्ड हातमा बोकेर सचेतना फैलाएका थिए । पठनपाठनसँगै विद्यार्थीहरूलाई रचनात्मक कार्यहरूमा पनि सहभागिता गराउनका लागी इको क्लब महत्वपूर्व रहेको खरिखोला माध्यमिक विद्यालयका प्रधानाध्यापक तिलक बहादुर मगरले बताउनुभयो 

 यो समाचार पढेर तपाँइलाई कस्तो लाग्यो ?