थुलुङ दूधकोशीका ११ सामुदायीक विद्यालयमा कम्प्युटर शिक्षा 

जेठ, ३ सोलुखुम्बु । सोलुखुम्बुको थुलुङ दूधकोशी गाउँपालिकाका ११ सामुदायिक विद्यालयमा कम्प्युटर कक्षा सञ्चालन हुदै आएको छ ।  पालिका भरि रहेका ५१ वटा सामुदायिक विद्यालय मध्ये ११ सामुदायिक विद्यालयमा कम्प्युटर कक्षा सञ्चालन भइरहेको गाउँपालिकाले जनाएको हो । मावि स्तरका १० वटा र निमावि स्तरको १ वटा सामुदायिक विद्यालयमा कम्प्युटर कक्षा सञ्चालन हुँदै आएको हो । गाउँपालिकाका शिक्षा शाखा प्रमुख गणेश बहादुर गुर्धामीका अनुसार मावि तहका सबै १० वटै विद्यालयमा अहिले कम्प्युटर कक्षा सञ्चालन भइरहेको छ ।

 यि विद्यालयहरूमा आइसिटी ल्याबकै व्यवस्था गरेर गाउँपालिकाले कम्प्युटर शिक्षा पठनपाठन गराउँदै आएको उहाँको भनाई छ । यस्तै निमावि तहका १ वटा सामुदायिक विद्यालयमा अहिले कक्षा सञ्चालन भइरहेको उहाँको भनाई छ ।  गाउँपालिकामा प्रविधिमैत्री शिक्षालाई प्राथमिकतामा राख्दै सबै विद्यालयहरूमा कम्प्युटर ल्यापटप तथा प्रिन्टरको व्यवस्थापन भएको पनि उहाँको भनाई छ ।

गाउँपालिकामा भएका ५१ वटा सामुदायिक विद्यालय मध्ये १० वटा मावि, ५ वटा निमावि र अन्य आधारभुत प प्रावि विद्यालयहरू छन । यस्तै प्रविधिमैत्री विद्यालय निर्माणका लागी गाउँपालिकाले मावि स्तरका सबै विद्यालयहरूमा स्मार्ट बोर्डबाट पठनपाठन गराइरहेको गाउँपालिका अध्यक्ष असिम राइले बताउनुभयाे ।  

उहाँले ति विद्यालयहरूमा कार्यरत शिक्षकहरूलाई त्यससम्बन्धी तालिमको व्यवस्थामै गरेर सबै माविहरूमा अहिले स्मार्ट बोर्ड मार्फत पठनपाठन गराइरहेको पनि बताउनुभएकाे छ ।   आगामी आर्थिक वर्षमा प्रविधीमैत्री शिक्षालाई  थप व्यवस्थित बनाउँदै लैजाने पनि उहाँले बताउनुभएको छ ।

                   यो खबर पढेर तपाईलाई कस्तो महसुस भयो ?