नेलेमा जेष्ठ नागरिक, अपंगता, तथा दीर्घ रोगीहरुलाई घरघरमा स्वास्थ्य सेवा

पौष ११, सोलुखुम्बु । सोलुखुम्बुको थुलुङ दुधकोशी गाउँपालिका वडा नम्बर १ नेलेले जेष्ठ नागरिक, अपंगता, तथा दीर्घ रोगीहरुलाई घरघरमा पुगेर दिएको स्वास्थ्य सेवा प्रभावकारी बन्दै गएको छ । स्वास्थ्य चौकी नेलेसँगको समन्वयमा विशेषज्ञ चिकित्सकहरुको टोलीसहित वडाले घरघरमा पुगेर नागरिकलाई दिइरहेको सेवा प्रभावकारी बन्दै गएको हो ।

वडा भित्रका जेष्ठ तथा अपाङ्गता भएका नागरिकहरुलाई सम्मान गर्ने र उनीहरुको स्वास्थ्य उपचारमा सहयोग पु¥याउने उद्देश्यसहित सेवा सुरु गरिएको वडा अध्यक्ष घनराज सनुवारले बताउनुभयो । गत दुई बर्ष देखि २ लाख बजेट विनियोजना गरि सञ्चालन गर्दै आएको उक्त सेवा असाहयहरुका लागि बरदान सावित भएको छ ।

जनप्रतिनिधि आएसँगै जेष्ठ नागरिकलाई सम्मान गर्ने र कुनै कारणले अस्पतालसम्म जान नसक्ने भए उनीहरुलाई घरमै सहज सेवा दिने उद्देश्यले सेवा सुरु गरिएको वडा अध्यक्ष सुनुवारको भनाई छ । वडा कार्यालयले थालेको जेष्ठ तथा अपाङ्गता उपचार सेवामा स्वास्थ्य चौकी नेलेले सहकार्य गरको छ । वडा भित्रका जेष्ठ नागरिक, अपंगता, तथा दीर्घ रोगीलाई वडा कार्यालयले मासिक रुपमा सेवा प्रदान गर्दै आएको जनाइएको छ ।