सोलुका सिडियोको नयाँ काम, पालिकै पुगेर वडा अध्यक्षलाई अभिमुखिकरण

पौष ११, सोलुखुम्बु । प्रमुख जिल्ला अधिकारी अनोज कुमार घिमिरेले पालिका पुगेर वडाध्यक्षहरुलाई अभिमुखिकरण दिनुभएको छ । बिहिवार सोलुखुम्बुको नेचासल्यान गाउँपालिकामै पुगेरै वडाध्यक्षहरुलाई अभिमुखिकरण दिनुभएको हो । अभिमुखिकरण कार्यक्रममा स्थानीय तहबाट हुने पञ्जिकरण सम्बन्धि समस्या देखिन थालेपछि स्थानीय तहमै पुगेर अभिमुखिकरण कार्यक्रम संचालन गरिएको जानकारी दिनुभयो ।

जिल्ला प्रशासन कार्यालयबाट वितरण हुने सेवाप्रवाहरु लगायत पालिकाको समसामयिक विषयमा कानूनी ब्यवस्था बारे जानकारी गराउँदै निकायगत भूमिका स्पष्ट गर्न अभिमूखिकरण कार्यक्रमले भूमिका खेल्ने उहाँले उल्लेख गर्नुभयो । अन्तरक्रिया कार्यक्रममा वडाध्यक्षहरुले नागरिकता पञ्जिकरण शाखा विषयमा आएका समस्याहरु राखेका थिए भने प्रमुख जिल्ला अधिकारी अनोज कुमार घिमिरेले जवाफ दिनुभएको थियो ।

नेचासल्यान गाउँपालिकाका अध्यक्ष धनजन राईको अध्यक्षतामा सञ्चालन गरिएको कार्यक्रममा अतिथिहरुलाई उपाध्यक्ष विना राईले स्वागत गर्नुभएको छ । उक्त कार्यक्रमा पालिकाको ५ वटै वडा अध्यक्ष, प्रमुख अनुसन्धान अधिकृत निर्मल पौडेल, जिल्ला प्रहरी कार्यालय सोलुखुम्बुको प्रहरी प्रमुख एवंम प्रहरी नायब द्धारिका प्रसाद घिमिरे, सशस्त्र प्रहरी बल नेपाल आश्रित गुल्म सोलुखुम्बुका सशस्त्र प्रहरी नायव उपरीक्षक गोविन्द पोखरेल लगायतको उपस्थिती रहेको थियो ।