नेपाल निजामती कर्मचारी युनियन खोटाङको अधिवेशन सम्पन्न, अध्यक्षमा शम्भु तामाङ चयन

पौष १४, सोलुखुम्बु । नेपाल निजामती कर्मचारी युनियन खोटाङको अध्यक्षमा शम्भु तामाङ चयन हुनुभएको छ । शनिबार सम्पन्न नबौँ जिल्ला अधिवेशनबाट तामाङको अध्यक्षतामा १९ सदस्यीय जिल्ला कार्यसमिति चयन भएको हो । यस्तै शनिबारनै युनियनले महाधिवेशन प्रतिनिधि र प्रदेश अधिवेशन प्रतिनिधि समेत छनौट गरेको छ ।

अधिवेशनले तामाङलाई अध्यक्षमा चयन गरेसँगै उपाध्यक्षमा चिरञ्जीवी आचार्य, समावेशी उपाध्यक्षमा भूपध्वज खत्री, महिला उपाध्यक्षमा ओम सरा राई, सचिवमा सुमन बाँस्तोला, सहसचिवमा गिरिराज राना मगर, कोषाध्यक्षमा नवराज कटवाल, सदस्यहरूमा डिल्ली ढकाल, भोजराज आचार्य, खगेश्वर बञ्जारा, महेश मिश्र, सन्तोष दाहाल चयन भएका छन् । यस्तै महिला सदस्यहरूमा कल्पना शर्मा, समीक्षा आचार्य, समावेशी सदस्यमा सुवास राई चयन हुनुभएको जनाइएको छ ।

यस्तै अधिवेशनले केन्द्रिय महाधिवेशन प्रतिनिधि जानुका श्रेष्ठलाई निर्विरोध चयन गरेको छ । खेमराज आचार्य, प्रकाश घिमिरे, रमेश पोखरेल र रामकुमार राई भने निर्वाचित हुनुभएको छ । यता प्रदेश प्रतिनिधिका लागी चन्द्रमाया राई निर्विरोध निर्वाचित बन्नुभएको जनाइएको छ भने अन्य प्रदेश प्रतिनिधीहरु नवराज रिजाल, योगेश श्रेष्ठ, रविन कुमार फुयाँल र विवेक पराजुली निर्वाचित हुनुभएको छ । नेपाली काङ्ग्रेस निकट नेपाल निजामती कर्मचारी युनियनको शनिबार नबौँ महाधिवेशन दिक्तेलमा सम्पन्न भएको हो ।