नेकपा (माओवादी केन्द्र) सोलुखुम्बु–काठमाडौं सम्पर्क समन्वय समितिको अध्यक्षमा खालिङ

पौष १४, सोलुखुम्बु । नेकपा (माओवादी केन्द्र) सोलुखुम्बु–काठमाडौं सम्पर्क समन्वय समितिको अध्यक्षमा विष्णु खालिङ निर्वाचित भएका छन् । पार्टीका वरिष्ठ उपाध्यक्ष नारायणकाजी श्रेष्ठको प्रमुख आतिथ्यतामा शनिवार सम्पन्न पाँचौ सम्मेलनले खालिङको अध्यक्षतामा नयाँ नेतृत्व चयन गरेको हो ।

उपाध्यक्षद्धयमा फुरा याङ्जी शेर्पा, गणेश कुलुङ र हरि प्रसाद राई, सचिवमा शिशिर देब राई, सह सचिवमा राम तामाङ र कोषाध्यक्षमा चन्द्र राई निर्वाचित हुनुभएको सम्पर्क समन्वय समितिका इन्चार्ज संकल्प किरांतीले जानकारी  दिनुभयो । कार्यसमितिको सदस्यहरुमा झरना किराती, लाक्पा सोनाम शेर्पा, शहरमान राई, रमेश राई, बिनोद कार्की,अशनबाबु जमरकट्टेल, चतुरमान राई, प्रविन राई, सुस्मिता कुलुङ, रमेश कुमार कार्की, आसपूर्ण राई, सुनिल बस्नेत र अम्बिरकाजी बिक लगायत निर्वाचित भएको बताइएको छ ।

सम्मेलनमा नेकपा माओवादी केन्द्रका केन्द्रीय सदस्य एवम् सोलुखुम्बु जिल्ला इन्चार्ज हेमकुमार राई, केन्द्रीय सदस्य एबम कोशी प्रदेशसभा सदस्य गोम्बु शेर्पा ‘कज्र्याङ’ केन्द्रीय सदस्य करुणा बस्नेत, प्रदेश सचिवालय सदस्य एवम् जिल्ला सह इन्चार्ज अशिम राई,सोलुखुम्बु जिल्ला समन्वय समितिका संयोजक नाम्गेल शेर्पा लगायत जिल्ला नेताहरुको बाक्लो उपस्थिति रहेको थियो।