नेचासल्यान ३ मा नयाँ सहकारी संस्था गठन

पौष १४, सोलुखुम्बु । सोलुखुम्बुको नेचासल्यान गाउँपालिका वडा नम्बर ३ मा नयाँ सहकारी संस्था गठन भएको छ । नेपाल कृषि सहकारी सङ्घका केन्द्रिय अधिकारी सुमन बोहोराको उपस्थितिमा “नेचासल्यान साना किसान कृषि सहकारी संस्था नेचा” को गठन गरिएको हो ।

सहकारी संस्था गठन सहकारी संस्थाको औचित्य के ?, आवश्यकता किन भन्ने विषयमा केन्द्रिय अनुशरण अधिकृत सुमन बोहोराले स्पष्ट पार्नुभएको थियो । नवगठित सहकारी महिला सशक्तीकरण केन्द्रित रहने गरि स्थापना भएको छ । उक्त सहकारीमा ८० प्रतिशत महिला र २० प्रतिशत पुरुष सम्मीलित सञ्चालन समिति गठन भएको छ । नवगठित सहकारीको सञ्चालन समितिको अध्यक्षमा यनु राईको चयन ९ सदस्य समिति गठन भएको छ ।

सहकारी गठन कार्यक्रममा बोल्दै गाउँपालिका अध्यक्ष धनजन राईले सहकारी र कृषि एकअर्काका परिपूरक रहेको बताउनुभएको छ । सहकारी संस्थानको स्वरूप किसानको बिचमा रहेको व्यावसायिक सङ्गठन रहेको समेत औल्याउनुभएको छ ।

यस्तै गाउँपालिकाकी उपाध्यक्ष विना राईले सहकारी आर्थिक, सामाजिक, सांस्कृतिक उत्थान र रूपान्तरणका लागि सहकार्य गर्दा आफ्नो समुदायको हित र उत्थान सहकारी संस्थाको माध्यमबाट हुन सक्ने बताउनुभयो । कृषि सहकारीले गाउँमा भएको कृषि उत्पादनको बजारीकरणमा सहजता हुने उहाँको भनाई छ । कार्यक्रम कुसुम स्मृति प्रतिष्ठानको सभाहलमा सम्पन्न भएको सहकर्मी सोभित ढुङ्गेलले बताउनुभयो ।

गाउँपालिका अध्यक्ष धनजन राईको तथा उपाध्यक्ष विना राईको वडा अध्यक्ष सिताराम भट्टराई कार्यपालिका सदस्य कृषि शाखा अधिकृत सबिता बास्तोला गाउँ सभा सदस्यकोआतिथ्यतामा सम्पन्न कार्यक्रममा २ सय बढीको उपस्थित रहेको थियो । सहकारी गठन गाउँपालिकाको वडा नम्बर ३,४ र ५ कार्यक्षेत्र रहने गरी सहकारीको गठन भएको हो ।