फुर्के खेल मैदान निर्माणका लागि समाजसेवी राईद्धारा आर्थिक सहयोग

पौष १४, सोलुखुम्बु । सोलुुखुम्बुको नेचासल्यान गाउँपालिकामा निर्माण हुने फुर्के खेल मैदानका लागि समाजसेवी प्रश्नविर राईले आर्थिक सहयोग गर्नुभएको छ । गाउँपालिकाको वडा नम्बर ३ र ४ को संयुक्त लगानीमा निर्माण हुने फुर्के खेलमैदानका लागि राईले एक लाख रुपैयाँ सहयोग गर्नुभएको हो ।

आईतबार नेचासल्यान गाउँपालिकाका अध्यक्ष धनजन राई , उपाध्यक्ष बिना राई र वडा अध्यक्ष एवंम फुर्के खेलमैदान व्यवस्थापन समितिका अध्यक्ष इन्द्रबहादुर राईको उपस्थितिमा उक्त रकम हस्तान्तरण गर्नुभएको सहकर्मी सोभित ढुगेंलले जानकारी दिनुभयो । खेल मैदान निर्माण गरि ठुला ठुला खेल प्रतियोगिता गरेर गाउँको चिनारी बढाउने सकिने समाजसेवी राईले रकम हस्तान्तरण कार्यक्रममा बताउनुभएको छ ।