डाक्टर मिङ्मा शेर्पालाई नेपालमै फर्केर काम गर्न प्रधानमन्त्री ओलीको आग्रह, को हुन् मिङ्मार शेर्पा ?

पौष २२, सोलुखुम्बु । अमेरिकामा बायो मेडिसिनमा कार्यरत सोलुखुम्बुका डाक्टर मिङमार शेर्पालाई नेपालमै फर्केर काम गर्न प्रधानमन्त्री केपी शर्मा ओलीले आग्रह गर्नुभएको छ । यहि पौष १९ गते प्रधानमन्त्री ओलीले एक पत्र जारी गर्दै समृद्ध नेपाल, सुखी नेपालीको राष्ट्रिय आकाङ्क्षा पूरा गर्नका लागि नेपाल फर्किन र सरकारसँग मिलेर काम गर्न आग्रह गर्नुभएको हो । गत सेप्टेम्बर महिनामा इन्स्टिट्युट्स् अफ पोलिटिक्स्, हार्वर्ड केनेडी स्कूलमा आयोजित “नेपालको विद्यमान शासन तथा विकास” शीर्षकमा भएको संवाद कार्यक्रममा सम्बोधन गर्ने क्रममा भेट भएको स्मरण गर्दै शेर्पाले दिनुभएको सुझावलाई सम्झिरहेको पत्रमा उल्लेख गर्नुभएको छ ।

उक्त कार्यक्रममा डाक्टर शेर्पाले अमेरिकामा बायो मेडिसिन विषय अध्ययन गरिरहेको र अमेरिकामा हासिल गरेको ज्ञान र विद्धतालाई नेपालमा रिसर्च र विकासका क्षेत्रमा सदुपयोग गर्ने विचार व्यक्त गर्नुभएको थियो । त्यस विचार प्रति प्रधानमन्त्री ओलीले सकरात्मक धारणा राख्दै त्यो मेहनत नेपालमा आवश्यक रहेको बताउनुभयो । नेपाललाई समृद्ध देश बनाउन र नेपालीलाई सुखी नागरिक बनाउन शेर्पाको योगदान महत्वपूर्ण रहने ओलीको दाबी छ ।

एउटा प्रबुद्ध नागरिक असल राज्यका लागि काम गर्ने हात पाखुरा हो, त्यसको मदतले प्राप्त हुने लाभबाट नेपाली जनतालाई खुसी बनाउन सक्ने विचार व्यक्त गर्नुभएको छ । प्रधानमन्त्रीको पत्रप्रति धन्यवाद व्यक्त गर्दै शेर्पाले नेपालको समग्र विकास र जनताको जीवनस्तर सुधारका लागि निरन्तर मेहनत गर्ने प्रण गर्नुभएको छ ।
को हुन् मिङ्मार शेर्पा ?
सोलुखुम्बु दुधकुण्ड नगरपालिका सल्लेरीमा जन्मेका मिङमार आङ जाङबु शेर्पा र पुटी शेर्पाको कान्छा छोरा हुन । उनी फाप्लु सामुदायिक विद्यालयमा एसएलसि सकेर सेन्टजेभियर्सबाट ए लेभल पुरा गरि अमेरिकाको युनिभर्सिटि अफ एलाबम अफ एटबर्मिहयामबाट बायो मेडिकलमा व्याचलर गरेका थिए । उनी विगत ३ बर्षदेखिन एमआइटिमा सेल सर्कल रेगुलेसनको क्यान्सर सम्बन्धीत अध्ययन अनुसन्धान गरिरहेका छन ।

यस वीचमा छाला क्यान्सरको अनुसन्धानको वेलयतमा पनि गएका थिए । यसै क्रममा उनले अहिलेसम्म विभिन्न मुलुकको १७ मेडिकल सम्मेलनमा भाग लिएका थिए । उक्त सम्मेलनपछि एआइको माध्यामबाट छालामा हुने क्यान्सर रोग सम्बन्धीत विषयमा उनले सोधपत्र प्रकाशित गरिसकेका छन । उनले गरेको अध्ययन अनुसन्धान र मेहनेतकै कारण एकेडेमी अफ मेडिकल साइन्स युकेले ४५ लाख रुपियाको पुरस्कार दिएका थिए ।

उनले नेपालको शिक्षा क्षेत्रको विकासको लागी ब्राइट भिजन मार्फत सोलुखुम्बुमा निशुल्क कम्प्युटर शिक्षा दिइरहेका छन । त्यही मार्फत नेपालको विभिन्न क्षेत्रमा स्वस्थ्य शिविर लैजाने योजना बनाइरहेका छन । नेपालको स्वस्थ्य क्षेत्रको विकासको लागी त्रिवि संग समन्वय गर्न चाडै नेपाल जाने योजना बनाइरहेका छन ।