पौष २३, सोलुखुम्बु । सृजनशील भरिया समाजले चार वटा विद्यालयलाई शैक्षिक सामग्री वितरण गरेको छ । बुधबार खोटाङको केपिलासगढी गाउँपालिका वडा नम्बर ४ स्थित सिर्जनशिल भरिया समाज शाखा कार्यालयले विभिन्न विद्यालयलाई शैक्षिक सामाग्री वितरण गरेको हो । जी फाउन्डेसनको आर्थिक तथा प्राविधिक सहयोगमा सञ्चालित समाजले केपिलासगढी गाउँपालिकाका चार वटा विद्यालयलाई शैक्षिक सामाग्री वितरण गरिएको सहकर्मी पुरुषोत्तम बर्देवाले जानकारी दिनुभयो ।
उहाँका अनुसार जाल्पा माध्यमिक विद्यालय, थर्पुडाँडा माध्यमिक विद्यालय, शुक्रजीत माध्यमिक विद्यालय र तोमाने आधारभूत बिद्यालयलाई इसिडि किटबक्स साथै कक्षा एक देखि ५ सम्मलाई ५९ वटाको दरले पठन सामग्री राख्ने पकेट बोर्ड वितरण गरेको हो । गाउँपालिका अध्यक्ष समिर राई, उपाध्यक्ष गुणराज राई, शिक्षा शाखा प्रमुख सुरेन्द्र खनालको रोहबरमा सृजनशील भरिया समाजको कार्यवाहक अध्यक्ष प्रविन राई र कोषाध्यक्ष सुब्बा राई द्वारा उक्त सामग्री वितरण गरिएको हो । गुणस्तरीय शिक्षालाई थप टेवा पु¥याउनका लागि उक्त शैक्षिक सामग्री वितरण गरिएको संस्थाका कोषाध्यक्ष सुब्बा राईले बताउनुभएको छ ।
Discussion about this post