खाेटाङका प्रहरी जवान, काठमान्डाैमा मृत फेला

जेठ ५, साेलुखुम्बु । काठमाडौँको तार्केश्वर-९ मनमैजुमा  खोटाङको मजुवागढी गाउँपालिका- १ घर भएका  प्रहरी युवराज घिमिरे  मृत फेला परेका छन् । ट्राफिक प्रहरी प्रभाग, दरबारमार्गमा कार्यरत प्रहरी जवान घिमिरेको शव शङ्कास्पद अवस्थामा फेला परेको उपत्यका अपराध अनुसन्धान कार्यालयका एसएसपी सानुराम भट्टराईले जानकारी दिनुभयो ।  घिमिरेको बिहीबार राति हत्या भएको आशङ्का गरिएको छ । उनको टाउको र शरीरका विभिन्न भागमा चोट देखिएको छ ।अस्ति ३ गते बिहीवार ड्यूटी सकेर निस्किएका घिमिरे त्यसपछि कार्यालय गएका थिएन्न।स्थानीय जोनस खत्रीको निर्माणाधीन घरको भुईँ तलामा बोराले छोपेको अवस्थामा शव फेल परेको थियो । घटना शङ्कास्पद देखिएकोले प्रहरीले अनुसन्धान गरिरहेको एसएसपी भट्टराइले जानकारी दिए । घिमिरे सामाखुसीमा डेरा गरी बस्दै आएका थिए ।