थुलुङ दुधकोशी गाउँपालिका : अध्यक्ष कप तथा राष्ट्रपति रनिङ शिल्ड प्रतियोगिताको तयारी पुरा

पौष २३, सोलुखुम्बु । सोलुखुम्बुको थुलुङ दुधकोशीमा हुने अध्यक्ष कप तथा राष्ट्रपति रनिङ शिल्ड प्रतियोगिताको तयारी पुरा भएको छ । बिहिबार देखि शुरु हुन लागेको प्रतियोगिताको आवश्यक सम्पूर्ण तयारी पुरा भएको हो । राष्ट्रपति रनिङ शिल्ड प्रतियोगितामा पालिका भित्रका १० वटा माध्यमिक विद्यालयले सहभागिता जनाउने गाउँपालिकाका प्रवक्ता भोजराज कार्कीले जानकारी दिनुभयो ।

उहाँका अनुसार अध्यक्ष कपका लागि संघीय संरचना अनुसारका वडाबाट महिला तथा पुरुष खेलाडीहरुको सहभागीता हुनेछ । उक्त कार्यक्रममा कृषि मेला प्रदर्शन गरिनुका साथै स्थानिय खानाको परिकार समेत प्रदर्शन गरिने गाउँपालिकाले जनाएको छ । कार्यक्रममा मनोरञ्जनका लागि सांगितिक साँझको समेत आयोजना गरिने भएको छ । सांगितिक कार्यक्रमको लागि स्थानिय कलाकारको साथमा ख्याती प्राप्त गायक कुमार प्रयास, शिव परियारको उपस्थिति रहने भएको छ । प्रतियोगित पौष २९ गते सम्म जारी रहने भएको छ ।