पौष २७, सोलुखुम्बु । महाकुलुङ गाउँपालिकामा छैटौ कृषि प्रदर्शनी मेला सम्पन्न भएको छ । “समृद्व महाकुलुङको आधार, कृषि र पर्यटन यसको पूर्वधार” भन्ने मूल नाराका साथ कृषी प्रदर्शनी मेलाको शनिबार सम्पन्न भएको हो । गाउँपालिकाको कृषि विकास शाखाको आयोजनामा कृषकहरुलाई कृषि व्यवसायमा आकर्षण बढाउन र कृषकहरुमा प्रतिस्पर्धाको भावना जागृत गराउने उदेश्यले गाउँपालिकाले हरेक वर्ष यस किसिमको मेला आयोजना गर्दै आएको कृषि अधिकृत ओश्ना कुलुङले जानकारी दिनुभयो ।

प्रदर्शनीमा कृषिबाली, स्थानीय अर्गानीक परिकार, प्लाष्टिकजन्य सामाग्री र अल्लोजन्य समाग्री प्रदर्शन गरिएको छ । प्रदर्शनीमा अल्लो तथा प्लास्टिक तर्फ प्रथम, द्वितीय र तृतीय हुने कृषकलाई क्रमशः ३ हजार, २ हजार र १ हजार ५ सय रुपैयाँ सहित प्रमाण पत्र प्रदान गरिएको छ ।

त्यस्तै अन्तर कृषक समूह स्तरीय नृत्य प्रतियोगिताका पहिलो, दोस्रो र तेस्रो हुने प्रतियोगिहरुलाई क्रमश : १५ हजार, १२ हजार र ९ हजार रुपैयाँ, कृषि बाली प्रर्दशनी तर्फ प्रथम, द्वितीय र तृतीय हुने कृषकलाई ३ हजार, २ हजार र एक हजार ५ सय रुपौयाँ र स्थानीय अर्गानीक परिकार प्रदर्शनीमा प्रथम, द्धितिय र तृतिय हुनेलाई क्रमश : ७ हजार, ५ हजार र ३ हजार प्रोत्साहन स्वरुप पुरस्कार प्रदान गरिएको सहकर्मी झलक राईले जानकारी दिनुभयो ।