चिप्लिएर भिरमा खसेका विदेशी नागरिकको सोलु प्रहरीले गर्याे उद्धार

माघ ३, सोलुखुम्बु । सोलुखुम्बुको खुम्बु पासाङल्हामु गाउँपालिका वडा नम्बर ३ टोकटोक र बैंकर बीच स्थित जंगलमा अलपत्र परेका विदेशी नागरिको नेपाल प्रहरीले उद्धार गरेको छ । विहिबार बिहान सगरमाथा आधार शिविर भ्रमण गरी लुक्ला तर्फ फर्कने क्रममा जर्मनीका ४१ बर्षिय मिचेल हेरिच अलपत्र परेका थिए ।

उनले बाटोे पहिचान गर्न नसक्दा खच्चड हिड्ने पुरानो बाटो हिड्ने क्रममा चिप्लिएर ५/६ मिटर तल झरी भिरमा अल्झि रहेको अवस्थामा फेला परेको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।

उहाँका अनुसार प्रहरी चौकी नाचिपाङमा (फाक्दिन) मा खबर प्राप्त भएसँगै १२ ः ३० बजेको समयमा प्रहरी सहायक निरीक्षक बहादुर खड्काको कमाण्डमा प्रहरी खटी गई स्थानीयहरुको सहयोगमा उनको सकुशल उद्धार गरिएको छ ।