माघ ३, सोलुखुम्बु । सोलुखुम्बुको सोताङ गाउँपालिकामा जैविक तथा वनस्पतिक विषादी प्रयोग विस्तार कार्यक्रम सम्पन्न भएको छ । कृषि ज्ञान केन्द्र सोलुखुम्बुको आर्थिक बर्ष २०८१/०८२ को स्विकृत कार्यक्रम अनुसार बुधबार उक्त कार्यक्रम सम्पन्न भएको हो । स्थानीय स्तरमा पाइने स्रोत साधनको उच्चतम प्रयोग गदै जैविक मल तथा बनस्पतिक विषादी कसरी बनाउने भन्ने बारेमा छलफल गर्दै कृषिमा रोग किराको जैविक पद्धति बाट व्यवस्थापन गर्नको निम्ति प्रयोगात्मक रुपमा झोल मल बनाइ प्रदर्शन गरिएको थियो ।
स्थानीय स्तरमा पाइने तितो, टर्रो, पिरो, झम्झमाउने, अमिलो, चोप आउने लगायतका सिस्नु, बनमारा, तितेपाती लगायत कलिलो घासँ लगायतका वनस्पति संगै गोबर, पशुमुत्र, ई.एम. झोल, पिना तथा भान्सामा सजिलो संग उपलब्ध हुने सख्खर, लसुन, अदुवा, खुर्सानी लगायतको सामाग्री प्रयोग गरी किटनाशक झोल मलबाट तयार गरिएको थियो । कृषि ज्ञान केन्द्र सोलुखुम्बुका प्रमुख दुर्गा बहादुर तिरुवाको अध्यक्षता तथा सोताङ गाउँपालिका उपाध्यक्ष अन्जु नाछिरिङको प्रमुख आतिथ्यता एंवम् कृषि शाखा प्रमुख मोनिता पौडेल लगायत कृषि प्राविधिकहरुको उपस्थिमा कार्यक्रम सम्पन्न भएको जनाइएको छ ।
कार्यक्रममा उपस्थित सरोकारवालाले धेरै रासायनिक विषादीको प्रयोगले हामीले खाने खाना असवस्थकर हुदै जाँदा धेरै किसिमका स्वास्थ्य संगै वातावरणीय समस्याहरु देखा परेकोले कृषि पर्यावरणलाई ध्यान दिइ यस खालका कार्यक्रम आयोजना गरिएकोमा आयोजक संस्था लाई धन्यवाद व्यक्त गरेका छन् । यस खालको कार्यक्रमले कृषि पर्यावरणलाई जोगाउन मद्दत गर्नुका साथै मानवीय स्वास्थ्यको दृष्टिकोण बाट अझ महत्वपुर्ण भएकाले कार्यक्रमका सहभागीहरु लाई कार्यक्रम बाट सिकाइ भएका विषयलाई व्यवहारमा उर्तान आग्रह कृषि ज्ञान केन्द्रका प्रमुख तिवारीले आग्रह गर्नुभयो ।
विगतमा पनि आफ्नो क्षेत्र बाट गर्ने सहयोग एंवम् समन्वय गरेको बताउँनु हुदै आगामी दिनमा पनि आवश्यक समन्वय तथा सहयोग गर्ने प्रतिबद्धता व्यक्त गर्नुभयो । विशेषगरी हाल तिब्र रुपमा बढिरहेको रसायनिक मल तथा बिषादिको प्रयोगका कारण खेतिबालीमा कृषकको लागत बढिररहेको छ भने मानव स्वास्थ्यमा अझ यसले प्रत्यक्ष रुपमा नकरात्मक असर गरेको छ भने अर्को तिर यसले कृषि पर्यावरणमा पनि उतिकै नकरात्मक असर पारेको छ ।
Discussion about this post