वडा अध्यक्ष मगरको पहलमा माप्य ६ का शिक्षक तथा विद्यार्थीलाई स्वेटर र टोपी वितरण

माघ ३, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर ६ का वडा अध्यक्ष राम प्रसाद मगरको पहलमा वडा भित्रका दुई विद्यालयका शिक्षक विद्यार्थीहरुलाई स्वेटर र टोपी वितरण गरिएको छ । बिहिबार नेपाल विदाउट लिमिट्स, जोआना स्टाइनेलको सहयोग र वडा अध्यक्ष मगको पहलमा जलेश्वरी आवि र सगरमाथा आविका विद्यार्थी र शिक्षकलाई स्वेटर र टोपी वितरण गरिएको हो ।

जलेश्वरी आविका १२८ जना विद्यार्थी, ११ जना शिक्षक र सगरमाथा आविका ३५ जना विद्यार्थी, ४ जना शिक्षकलाई स्वेटर र क्याप वितरण गरिएको सहकर्मी देवि प्रसाद घिमिरेले जानकारी दिनुभयो । बढ्दो जाडोका कारण विद्यार्थीलाई पर्न सक्ने स्वास्थ्य समस्या कम गर्ने उदेश्यले स्वेटर उपलब्ध गराईएको वडा अध्यक्ष मगरले बताउनुभयो । उहाँले यस अघि पनि विभिन्न विद्यालयका विद्यार्थीहरुलाई झोला वितरण गर्दै आउनुभएको छ ।