माघ ४, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर ६ वडा स्थित चोच्मि आविका ५३ जना शिक्षक तथा विद्यार्थीलाई स्वेटर र टोपी वितरण गरिएको छ । नेपाल विदाउट लिमिट्स, जोआना स्टाइनेलको सहयोग र वडा अध्यक्ष राम प्रसाद मगरको बिषेश पहलमा स्वेटर र टोपी वितरण गरिएको हो ।
शुक्रबार बढ्दो जाडोका कारण विद्यार्थीलाई पर्न सक्ने स्वास्थ्य समस्या कम गर्ने उदेश्यले स्वेटर उपलब्ध गराईएको वडा अध्यक्ष मगरले बताउनुभयो । उहाँले यस अघि पनि विभिन्न विद्यालयका विद्यार्थीहरुलाई झोला लगायत शैक्षिक सामाग्री वितरण गर्दै आउनुभएको सहकर्मी देवि प्रसाद घिमिरेले जानकारी दिनुभयो ।
Discussion about this post