ताप्ली गाउँपालिकाको प्रथम चौमासिक अवधिको सार्वजनिक सुनुवाई कार्यक्रम सम्पन्न

माघ ४, सोलुखुम्बु । उदयपुरको ताप्ली गाउँपालिका उदयपुरले आर्थिक बर्ष २०८ं१/०८२ को पहिलो चौमासिक अवधिको सार्वजनिक सुनुवाई कार्यक्रम सम्पन्न भएको छ । पालिकाको सेवाप्रवाहको बिषयलाई लिएर आयोजना गरिएको सार्वजनिक सुनुवाई कार्यक्रममा स्थानिय नागरिकहरुले विभिन्न पक्ष संग संबन्धित रहेर सुझाब, जिज्ञासा तथा खबरदारी गरेका थिए ।

“शुसासन, पारदर्शिता र जवाफदेहिता” भन्ने मूल नारा सहित ताप्ली गाउँपालिकाको आयोजना र त्रियुगा मिडिया एजेन्सी प्रा. लि. ले सहजीकरण गरेको कार्यक्रममा ताप्ली गाउँपालिकाले हालसम्म सन्चालन गरेको योजना तथा आयोजना र सेवाहरुको बिषयमा गाउँपालिकाको विभिन्न बस्तिका स्थानिय बासी, कृषक, निर्माण व्यावसायी, उपभोक्ता र सेवाग्राहिहरुको गुनासो, सलाह सुझाव र सार्वजनिक चासोका विविध बिषयहरुलाई समेटेर साझा सवालको रुपमा प्रस्तुत गरिएको सहकर्मी ठविन्द्र मगरले जानकारी दिनुभयो ।

सार्वजनिक सुनुवाई कार्यक्रममा उपस्थित राजनीतिक दलका प्रतिनिधि, युवा, महिला, उपभोक्ता र ताप्लिका विभिन्न वडाका सरोकारवालाहरुले बिकास निर्माण, भौतिक बिकास, कृषि ,स्वास्थ्य, शिक्षा ,बिद्युत,खानेपानी र शुशासनको बारेमा जिज्ञासा राखेका थिए । खुल्ला छलफलमा उठेका सवालका बिषयहरुमा बिषयगत शाखाका कर्मचारी गाउँपालिका अध्यक्ष ढुङ्गराज बिश्वकर्मा उपाध्यक्ष धनामाया मगर र प्रमुख प्रशासकिय अधिकृत भक्त बहादुर राई बाट जवाफ दिनुभएको थियो ।