जेठ ६, सोलुखुम्बु । थुलुङदुधकोशी गाउँपालिकाका अध्यक्ष असिम राईले बाल गायक गणेश विश्वकर्माको उज्जवल भविष्यका लागि कक्षा १२ सम्मको अध्ययनका लागि निः शुल्क शिक्षा तथा खाने, बस्नको व्यवस्था गर्ने हुनुभएको छ ।सोताङ गाउँपालिका वडा नम्बर १ निवासी गणेश विश्वकर्माको आर्थिक अवस्था कम्जोर भएकाले अध्ययनबाट बन्चिन हुन नदिन विद्यालयमा खाने, बस्ने सहितका निःशूल्क शिक्षाको व्यवस्था गर्ने भएको हो ।
विश्वकर्माकोे कपन स्थित सम्पुर्ण सुविधा सहितको विद्यालय सारदा एकेडेमिमा उच्च शिक्षा सँगै उज्वल साङ्गितिक भविष्यका लागि कक्षा १२ सम्म अध्ययन गराउने गरी विद्यालय सगँ सहमति भएको गाउँपालिका अध्यक्ष राईले जानकारी दिनुभयो ।विद्यालयको सम्पूर्ण प्रकृया पूरा गरी केहि समय पछि भर्ना गरिने उहाँको भनाई छ । शिक्षाले व्यक्तिको सर्वांगीण विकास गरी असल, योग्य र सभ्य नागरिक तयार पार्न मद्दत गर्ने भन्दै विश्वकर्मालाई पढाइबाट बन्चित नगराउन व्यक्तिगत रुपमा सहयोग गर्ने बताउनुभएको छ ।
Discussion about this post